شقو ەكٸمٸ: «قىتاي ستاندارتتارى بويىنشا سەرتيفيكاتتاۋ – قىتاي نارىعىنا جول اشادى»
زەرتحانانىڭ ەلەۋەتٸن تيٸمدٸ پايدالانۋ ٷشٸن ەكٸ جاقتىڭ دا مٷددەلەرٸن ەسكەرە وتىرىپ, بٸزدٸڭ ٶڭٸردە بارلىق قاجەتتٸ رەسۋرستار مەن مٷمكٸندٸكتەر بار ەكەنٸن ايتا كەتۋ كەرەك. وبلىس ەكٸمٸنٸڭ ايتۋىنشا, ٶسكەمەندە اشىلاتىن زەرتحانانى «قىتايعا شىعاتىن ەكسپورتتىق قاقپا» دەپ سەنٸممەن ايتۋعا بولادى.
– قىتاي ستاندارتتارىنا سەيكەس سەرتيفيكاتتاۋ – قىتاي نارىعىنا ەسٸك اشاتىن كٸلت. ٶيتكەنٸ, ٸرگەمٸزدە 26 ميلليوننان استام حالقى بار, تابىسى ايتارلىقتاي جوعارى شۇار پروۆينتسيياسى ورنالاسقان. قىتايدا يندۋستريالدى رەۆوليۋتسيياعا بايلانىستى حالىقتىڭ تۇتىنۋشىلىق تالعامى ٶزگەرۋدە. سول سەبەپتٸ اتالمىش پروۆينتسييانىڭ تۇرعىندارى بٸزدٸڭ اۋىل شارۋاشىلىعى ٶنٸمدەرٸمٸزدٸڭ تۇتىنۋشىسى بولادى. سوندىقتان بۇل بٸرٸنشٸ كەزەكتە ٶڭٸردٸڭ اۋىل شارۋاشىلىعىن دامىتۋدا باسىم باعىت بولۋى كەرەك.
بٸرەگەي زەرتحانانى قۇرۋ ٷشٸن وبلىس ەكٸمدٸگٸ جەكە تۇرعان عيماراتتى بەلگٸلەدٸ. بٷگٸنگٸ كٷنٸ عيماراتتى قايتا جٶندەۋ بويىنشا جوبالىق-سمەتالىق قۇجاتتاما مەن جول كارتاسى ەزٸرلەندٸ. سونىمەن قاتار قىتايدىڭ ينسپەكتسييا جەنە كارانتين عىلىمي-زەرتتەۋ ينستيتۋتىنىڭ دەلەگاتسيياسى شىعىس قازاقستانعا كەلٸپ, زەرتحاناعا ارنالعان عيماراتتى تەكسەرگەن, وبلىستىڭ ەكسپورتتىق ەلەۋەتٸن زەردەلەپ, ٶسكەمەندەگٸ زەرتحانالار جەلٸسٸنٸڭ بار-جوعىن انىقتاعان.
2019 جىلى قىتاي ستاندارتتارى بويىنشا زەرتحانانىڭ قىزمەت ساپاسىن اككرەديتاتسييادان ٶتكٸزۋ جوسپارلانۋدا, سونىڭ ارقاسىندا مال جەنە ٶسٸمدٸك شارۋاشىلىعىنىڭ ٶنٸمدەرٸن قىتايعا كەدەرگٸسٸز ەكسپورتتاۋعا مٷمكٸندٸك تۋادى.
قىتاي حالىق رەسپۋبليكاسىنىڭ ستاندارتتارىنا سەيكەس اككرەديتاتسييا جٷرگٸزۋ ەكٸ ەلدٸڭ ستاندارتتارى بويىنشا ايىرماشىلىقتارعا بايلانىستى تۋىندايتىن كەدەرگٸلەردٸ جويادى, ياعني زەرتحانادا سىنالاتىن بارلىق ٶنٸمدەر قوسىمشا زەرتتەۋ جٷرگٸزۋدٸ قاجەت ەتپەستەن ەكسپورتقا جٶنەلتٸلەدٸ.
شقو ەكٸمٸنٸڭ باسپاسٶز قىزمەتٸ
https://dalanews.kz/30625
