Óńir basshysy Danıal Ahmetov elshige Shyǵys Qazaqstan oblysynyń damýynyń negizgi baǵyttary týraly aıtyp, sonyń ishinde ónerkásip pen agrarlyq salalaryna erekshe toqtalyp ótti.
– Óńdeý deńgeıin tereńdetý arqyly atom ónerkásibin damytý jumystary júrgizilýde. Memleketimizdiń qýatpen qamtý júıesiniń turaqtylyǵyn arttyrýǵa múmkindik beretin birqatar sý elektr stansıalarynyń qurylysy bastaldy. Agrarlyq sektor damyp keledi, onyń ónimin kórshi memleketterge shyǵarýdy josparlap otyrmyz, – dedi Danıal Ahmetov kezdesý barysynda.
Djordj Krol óz kezeginde Shyǵys Qazaqstanda AQSH ınvestısıasynyń bar ekenin jáne áleýmettik salada tyǵyz qarym-qatynas ornyqqanyn atap ótti.
– Shyǵys Qazaqstan oblysynyń damý áleýeti joǵary. Jalpy, bizge Qazaqstanmen jaqsy jáne nátıjeli baılanys mańyzdy, – dedi elshi.
Djordj Krol Shyǵys Qazaqstanǵa eki kúndik jumys sapary barysynda Óskemen qalasynyń bilim berý, mádenıet jáne densaýlyq saqtaý mekemelerin aralady.
Aıta ketsek, 2016 jyldyń 4 aıynda Shyǵys Qazaqstan oblysynyń AQSH-pen taýar aınalymy 29,2 mln AQSH dollaryn qurady. Eksport 14,7 mln AQSH dollaryn, ımport 14,5 mln AQSH dollaryn qurap otyr.
«QmD» aqparat
