Qazirgi tańda Shyǵys Qazaqstan oblysynda emhanadaǵy tósken-oryndardy qajetti meditsinalyq qurylǵylarmen jabdyqtaý isi qarqyndy júrýde. Óńirde 196 ókpeni jasyndy jelteý apparaty (ÓJJA), 57 tsifrly rentgen apparaty naýqastarǵa qyzmet kórsetýde. Aldaǵy ýaqytta meditsinalyq qyzmettiń sapasyn arttyrý maqsatynda taǵy 50 ókpeni jeldetý apparaty men 10 rentgen apparaty satyp alynbaqshy.
Elimizde pnevmoniia derti ýshyqqaly beri Shyǵys Qazaqstan oblysynda 205 qosymsha ottegi kontsentraty alynǵany onlain-brifingte aityldy. 17 shildede taǵy da 160 ottegi kontsentraty alynyp, tynysy tarylǵan naýqsatarǵa kómekke kelmek. Jedel uiymdastyrý sharalarynyń nátijesinde oblystaǵy ottegi kontsentratynyń sany qysqa merzimde 498 birlikke ulǵaiǵanyn aita ketýimiz kerek.
Aldaǵy ýaqytta oblystyq biýdjetten bólingen 1,7 mlrd teńgege 200 monitor, 200 infýzomat, 3 EKMO, 178 pýlsoksimetr, 12 ÓJJA (onyń 2 balalarǵa aranalǵan), 1 kompiýterlik tomagrafiia satyp alynbaqshy.
Óz kezeginde Ilias Muhamedjanov oblys aýmaǵynda 15 kompiýterlik tomagrafiia qurylǵysy damylsyz jumys istep turǵanyn alǵa tartty. Árbir appart jekelgen aýdan men qalalarǵa tirkelgen.
Onlain-brifingte ShQO Densaýlyq saqtaý basqarmasynyń basshysy jedel járdem parkin keńeitý úshin 216 jedel járdem kóligin satyp alýdy josparlap otyrǵandaryn da tilge tiek etti. 100 jedel járdem kóligi oblys biýdjetinen satyp alynsa, 116 kólikti Qazaqstan damý banki arqyly lizingke alynbaqshy eken. Osy rette alǵashqy jedel járdem kólikteri 1 qyrkúiekten bastap alynyp, halyqqa qyzmet kórsete bastaidy dep kútilýde.
