قازٸرگٸ تاڭدا شىعىس قازاقستان وبلىسىندا ەمحاناداعى تٶسكەن-ورىنداردى قاجەتتٸ مەديتسينالىق قۇرىلعىلارمەن جابدىقتاۋ ٸسٸ قارقىندى جٷرۋدە. ٶڭٸردە 196 ٶكپەنٸ جاسىندى جەلتەۋ اپپاراتى (ٶججا), 57 تسيفرلى رەنتگەن اپپاراتى ناۋقاستارعا قىزمەت كٶرسەتۋدە. الداعى ۋاقىتتا مەديتسينالىق قىزمەتتٸڭ ساپاسىن ارتتىرۋ ماقساتىندا تاعى 50 ٶكپەنٸ جەلدەتۋ اپپاراتى مەن 10 رەنتگەن اپپاراتى ساتىپ الىنباقشى.
ەلٸمٸزدە پنەۆمونييا دەرتٸ ۋشىققالى بەرٸ شىعىس قازاقستان وبلىسىندا 205 قوسىمشا وتتەگٸ كونتسەنتراتى الىنعانى ونلاين-بريفينگتە ايتىلدى. 17 شٸلدەدە تاعى دا 160 وتتەگٸ كونتسەنتراتى الىنىپ, تىنىسى تارىلعان ناۋقساتارعا كٶمەككە كەلمەك. جەدەل ۇيىمداستىرۋ شارالارىنىڭ نەتيجەسٸندە وبلىستاعى وتتەگٸ كونتسەنتراتىنىڭ سانى قىسقا مەرزٸمدە 498 بٸرلٸككە ۇلعايعانىن ايتا كەتۋٸمٸز كەرەك.
الداعى ۋاقىتتا وبلىستىق بيۋدجەتتەن بٶلٸنگەن 1,7 ملرد تەڭگەگە 200 مونيتور, 200 ينفۋزومات, 3 ەكمو, 178 پۋلسوكسيمەتر, 12 ٶججا (ونىڭ 2 بالالارعا ارانالعان), 1 كومپيۋتەرلٸك توماگرافييا ساتىپ الىنباقشى.
ٶز كەزەگٸندە يلياس مۇحامەدجانوۆ وبلىس اۋماعىندا 15 كومپيۋتەرلٸك توماگرافييا قۇرىلعىسى دامىلسىز جۇمىس ٸستەپ تۇرعانىن العا تارتتى. ەربٸر اپپارت جەكەلگەن اۋدان مەن قالالارعا تٸركەلگەن.
ونلاين-بريفينگتە شقو دەنساۋلىق ساقتاۋ باسقارماسىنىڭ باسشىسى جەدەل جەردەم پاركٸن كەڭەيتۋ ٷشٸن 216 جەدەل جەردەم كٶلٸگٸن ساتىپ الۋدى جوسپارلاپ وتىرعاندارىن دا تٸلگە تيەك ەتتٸ. 100 جەدەل جەردەم كٶلٸگٸ وبلىس بيۋدجەتٸنەن ساتىپ الىنسا, 116 كٶلٸكتٸ قازاقستان دامۋ بانكٸ ارقىلى ليزينگكە الىنباقشى ەكەن. وسى رەتتە العاشقى جەدەل جەردەم كٶلٸكتەرٸ 1 قىركٷيەكتەن باستاپ الىنىپ, حالىققا قىزمەت كٶرسەتە باستايدى دەپ كٷتٸلۋدە.
