20 mamyrda reseılik Nadejda Lavrıkova Shyǵys Qazaqstan oblysy PD tergeý basqarmasynyń aǵa tergeýshisi Aıdana Serikovaǵa alǵys aıtyp, beınehabarlama túsirdi.
Ol 1996 jyly Rıdderde bolǵan kúıeýiniń ólimi týraly qylmystyq isti tergegeni úshin qazaqstandyq tergeýshige alǵysyn bildirdi. Aıdana Serikova qylmys jasaǵan adamdardy anyqtap, prosesýaldyq sheshim qabyldaǵan.
Aǵa tergeýshi is materıaldarynan marqumnyń qyzy men áıeline jetpeı qalǵan hattaryn tapqan. Aıdana Serikova marqumnyń jaqyndaryn taýyp, olarǵa 26 jyl burynǵy hattardy jibergen.
Tergeýshi Nadejda Lavrıkovamen beınekonferensıaǵa shyǵyp, istiń mán-jaıyn, sondaı-aq qylmyskerdiń qalaı ustalǵanyn jáne týystaryna jetpeı qalǵan hattar týraly áńgimelep bergen. Keıin ol 26 jyl buryn jazylǵan hattardy marqumnyń týystaryna ótkizgen.
Aıdana Serikova bul hatta bir adamnyń ómir tarıhy, qyzy men jaryna degen mahabbaty jáne olarǵa bildire almaǵan saǵynysh sezimi jazylǵanyn aıtty.
