Shpekbaev baspen «jumys isteýge» shaqyrdy
– Eki aidyń ishinde barlyq memlekettik apparatta normadan tys jumys isteýge jol bermeýge qatysty aýqymdy túsindirý jumystaryn júrgizdik. Ótken apta boiy azamattyq qoǵam jáne BAQ ókilderimen birge barlyq ortalyq memlekettik organdar men ákimdikterde kesteniń saqtalýyna kóshpeli monitoring júrgizdik. Nátijesinde 113 tártip buzýshylyq anyqtaldy. Olardyń arasynda kósh bastap otyrǵandar – Ulttyq ekonomika, Aýyl sharýashylyǵy, Eńbek jáne halyqty áleýmettik qorǵaý, Bilim jáne ǵylym ministrlikteri, Shyǵys Qazaqstan, Qostanai, Almaty oblystarynyń ákimdikteri, – dep jazdy Alik Shpekbaev Feisbýktegi paraqshasynda.
Osy rette agenttik basshysy: «Atalǵan memlekettik organdar problemanyń qanshalyqty kúrdeli ekendigin túsinbegeni nemese Prezidenttiń tikelei tapsyrmasyn elemegeni me?» dep saýal qoiady.
– Eńbek zańnamasyn buzǵandarǵa qatysty shara qoldaný úshin memlekettik organdardyń birinshi basshylarynyń atyna usynys hat joldadyq. Buǵan qosa, júieli sipatqa ie buzýshylyqtar boiynsha materialdardy tekserý júrgizip, memlekettik organdar basshylarynyń ákimshilik jaýapkershiligin qarastyrý úshin eńbek inspektsiiasyna materialdardy jiberdik, – dedi Alik Shpekbaev.
Onyń atap ótýinshe, qyzmetshilerdiń jumys oryndarynda saǵat 18.30-dan keiin de bolýy ákimshilik shyǵystardy ulǵaitady.
– Agenttikte de mundai problema bolǵan edi. Degenmen, ony tez arada sheshe aldyq. Birneshe tekserý júrgizip, qorytyndysynda talapqa baǵynbaǵan qyzmetkerlerdi ústemeaqydan aiyrdyq jáne olardyń tikelei basshylaryn jazaladyq. Nátijesinde meniń qyzmettesterim úilerine ýaqytyly ketetin boldy. Olarǵa 8 saǵat jumys ózderiniń mindetterin tiimdi ári nátijeli atqarýǵa jetkilikti. Osy turǵyda Stiv Djobstyń «táýligine 12 saǵat emes, baspen jumys isteý kerek» degen sózin keltirgim keledi. Memlekettik qyzmettegi tiimsiz ári paidasyz eńbekqorlarǵa barynsha dál keletin keńes, – dedi agenttik basshysy.
