Tsymbaliýk taratqan aqparatqa sáikes Ershov Resei armiiasynyń jeke quramyn qyp-qyzyl shyǵynǵa batyrdy dep aiyptalyp otyr.
Onyń basqarýyndaǵy 6-shy armiia Ýkrainaǵa basyp kirgeli 2 myń jaýyngerinen aiyrylyp, qatary seldirep qalǵan. Opat bolǵandardyń ishinde - 180 adam merzimdi áskeri qyzmettegi sarbazdar. Budan buryn Pýtin merzimdi áskeri boryshyn ótep jatqan jaýyngerler soǵysqa shaqyrtý almaitynyn habarlaǵan.
Jýrnalistiń málimetine qaraǵanda Ershov qazir úi qamaqta otyr. Onyń ústinen qylmystyq is qozǵalǵan.
Shoigýdyń ózine qatysty kúdik te qoiýlanyp keledi. Jýrnalister Qorǵanys ministriniń 12 kúnnen beri kórinbei ketkenin habarlaýda.
"Soǵystyń 28-shi kúni, al bizde qorǵanys ministri joq" dep jazdy "Mediazona" jýrnalisi Dmitrii Treshanin.
Shoigý sońǵy ret 11 naýryzda el kózine kóringen. Osy kúni ol Túrkiianyń syrtqy ister ministrimen tildesken jáne áskeri gospitalǵa baryp, Ýkrainadaǵy qaqtyǵysta jaralanǵan okkýpanttarǵa medal tapsyrǵan edi.
Bilik tarapynan Shoigýdyń "joǵalýyna" qatysty túsinikteme berilmedi. Kremldiń resmi saitynda Shoigýdyń Pýtin ótkizgen Qaýipsizdik keńesiniń jiynyna qatysqany jazylǵan, alaida jiynnan sýret nemese video jariialanbady.
