Resei Federatsiiasynyń qorǵanys ministri Sergei Shoigý Astanaǵa jumys saparymen keldi, - dep habarlaidy Dalanews.kz.
Astanada 26 sáýirde Shanhai Yntymaqtastyq Uiymyna (ShYU) qatysýshy elderdiń qorǵanys ministrleriniń keńesi ótedi dep josparlanyp otyr.
"Keńes barysynda halyqaralyq jáne óńirlik qaýipsizdiktiń ózekti máselelerin, sondai-aq, ShYU formatyndaǵy qorǵanys vedomstvolarynyń odan ári yntymaqtastyǵyn talqylaý josparlanyp otyr", - delingen málimetterde.
Shoigý ShYU-ǵa múshe memleketterdiń áskeri vedomstvolarynyń basshylarymen birqatar ekijaqty kezdesý ótkizedi.
Keńeske ShYU-ǵa qatysýshy elderdiń qorǵanys ministrleri, ShYU bas hatshysy, ShYU Aimaqtyq terrorizmge qarsy qurylymynyń atqarýshy komitetiniń direktory, sondai-aq, Belarýs áskeri vedomstvosynyń basshysy baqylaýshy memleket retinde qatysady.
Al uiymǵa Qazaqstan jáne Resei, Pákistan, Qytai, Iran, Qyrǵyzstan, Tájikstan elderi múshe.
