Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Shókeev Túrkistandaǵy kópqabatty turǵyn úilerdiń qurylysymen tanysty

Dalanews
Shókeev Túrkistandaǵy kópqabatty turǵyn úilerdiń qurylysymen tanysty
Túrkistanda 4,8 mln sharshy metr turǵyn úi salyp, 46 myń páter paidalanýǵa berý josparlanýda. Qurylys sapasy qatań baqylaýda. Túrkistan oblysynyń ákimi Ómirzaq Shókeev qaladaǵy kópqabatty turǵyn úilerdiń qurylys alańdarynda boldy. Turǵyn úi kesheni men ákimshilik ǵimarattar birge ornalasqan 20 qabatty eki turǵyn úi qurylysynyń jumys barysymen tanysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Kaskadty órý úlgisinde salynǵan kópqabatty turǵyn úilerdiń qurylysy qarqyndy júrýde. Qurylysshylarmen kezdesken oblys basshysy qurylys barysyna oń baǵasyn berdi.

Oblys boiynsha jyl basynan paidalanýǵa berilgen turǵyn úidiń jalpy alańy 191,5 myń sharshy metrdi qurap, ótken jyldyń sáikes kezeńine 17,7%-ǵa artty. Oblysta turǵyn úidi paidalanýǵa tapsyrý jospary 855 myń sharshy metr bolyp belgilendi.

Oblys qurylǵannan beri qurylys salasy edáýir damyp, onyń kólemi ótken jyldyń qorytyndysymen 2,3 esege artyp, 322,9 mlrd teńgege jetip otyr. Biyl qurylys jumystary 329,3 mlrd teńge mólsherinde josparlanýda.


Búgingi tańǵa, Túrkistan oblysynda memlekettik turǵyn úi qorynan turǵyn úi alýǵa, muqtaj azamattar kezeginde 49 831 otbasy tirkelgen. 2021 jyldyń qorytyndysymen oblys boiynsha 1670 otbasy, al aǵymdaǵy jyldyń 6 ai qorytyndysymen 411 otbasy baspanaly boldy.

Turǵyn úige muqtaj azamattardyń turǵyn úi máselesin sheshý maqsatynda, Memleket basshysynyń tapsyrmasymen jeke turǵyn úi qorynan jalǵa alynǵan turǵynjai úshin azamattardyń jekelegen sanattaryna tólemder taǵaiyndaý tetigi nemese turǵyn úidi jaldaý aqysyn sýbsidiialaý baǵdarlamasy iske asyrylýda.

Baǵdarlamanyń talaptaryna sáikes, turǵyn úidiń jaldaý aqysynyń 50 paiyzy sýbsidiialaýǵa jatady. Qalǵan jaldaý aqysynyń 50 paiyzy jalǵa alýshynyń atyna ashylǵan «Otbasy bank» AQ - nyń esepshotynda bolýy mińdetti.

Oblysta turǵyn úidi jaldaý aqysyn sýbsidiialaý alǵash ret júrgizilýde. Baǵdarlama «Otbasy bank» AQ arqyly iske asyrylýda. Aǵymdaǵy jyly oblystyq biýdjetten 500 mln teńge qaralyp, búgingi tańǵa «Otbasy bank» AQ birge kelisim-shart túzildi.
túrkistan Ómirzaq Shókeev Madina Sádýaqasova

Oqi otyryńyz