كاسكادتى ٶرۋ ٷلگٸسٸندە سالىنعان كٶپقاباتتى تۇرعىن ٷيلەردٸڭ قۇرىلىسى قارقىندى جٷرۋدە. قۇرىلىسشىلارمەن كەزدەسكەن وبلىس باسشىسى قۇرىلىس بارىسىنا وڭ باعاسىن بەردٸ.
وبلىس بويىنشا جىل باسىنان پايدالانۋعا بەرٸلگەن تۇرعىن ٷيدٸڭ جالپى الاڭى 191,5 مىڭ شارشى مەتردٸ قۇراپ, ٶتكەن جىلدىڭ سەيكەس كەزەڭٸنە 17,7%-عا ارتتى. وبلىستا تۇرعىن ٷيدٸ پايدالانۋعا تاپسىرۋ جوسپارى 855 مىڭ شارشى مەتر بولىپ بەلگٸلەندٸ.
وبلىس قۇرىلعاننان بەرٸ قۇرىلىس سالاسى ەدەۋٸر دامىپ, ونىڭ كٶلەمٸ ٶتكەن جىلدىڭ قورىتىندىسىمەن 2,3 ەسەگە ارتىپ, 322,9 ملرد تەڭگەگە جەتٸپ وتىر. بيىل قۇرىلىس جۇمىستارى 329,3 ملرد تەڭگە مٶلشەرٸندە جوسپارلانۋدا.
تۇرعىن ٷيگە مۇقتاج ازاماتتاردىڭ تۇرعىن ٷي مەسەلەسٸن شەشۋ ماقساتىندا, مەملەكەت باسشىسىنىڭ تاپسىرماسىمەن جەكە تۇرعىن ٷي قورىنان جالعا الىنعان تۇرعىنجاي ٷشٸن ازاماتتاردىڭ جەكەلەگەن ساناتتارىنا تٶلەمدەر تاعايىنداۋ تەتٸگٸ نەمەسە تۇرعىن ٷيدٸ جالداۋ اقىسىن سۋبسيدييالاۋ باعدارلاماسى ٸسكە اسىرىلۋدا.
وبلىستا تۇرعىن ٷيدٸ جالداۋ اقىسىن سۋبسيدييالاۋ العاش رەت جٷرگٸزٸلۋدە. باعدارلاما «وتباسى بانك» اق ارقىلى ٸسكە اسىرىلۋدا. اعىمداعى جىلى وبلىستىق بيۋدجەتتەن 500 ملن تەڭگە قارالىپ, بٷگٸنگٸ تاڭعا «وتباسى بانك» اق بٸرگە كەلٸسٸم-شارت تٷزٸلدٸ.
