Shaharda boi kótergen halyqaralyq dárejegi eskek esý kanalynyń negizgi qurylys jumystary jyl sońyna deiin aiaqtalýy tiis. Qurylys alańynda bolǵan oblys ákimi Ómirzaq Estaiuly jaýapty basylarǵa eskertti.
Elimizde teńdesi joq olimpiadalyq sý kesheni 80 gektar alqapqa jaiǵasqan.
Sapbording, sý shańǵysy, flaibording, veikserfing, kanopolo, dragonbot jáne jaǵajai oiyndar fýtboly, voleibol, gandbol, tennis, regbi sekildi sý jáne jaǵajai sportynyń tanymal túrlerin damytýǵa septigin tigizetin sport kesheninde keńseler, qonaq úiler, saýda ortalyqtary, kafeler, sport jáne oiyn alańdary, akvapark, balalar attraktsiondary jáne taǵy bas nysandar ornalasady.
Búginde munda 1,7 mln tekshe metr topyraq qazylylyp, nyǵyzdalyp, qaita tóselýde. Betondaý jumystary júrip jatyr.
Túrkistanda sonymen qatar, «TURAN» fýtbol akademiiasy salynyp jatyr. 20 gektar jerde qurylysy bastalǵan fýtbol akademiiasynyń infraqurylymy álemdik standarttarǵa sáikes, munda sportshylarǵa Eýropanyń úzdik klýbtaryndaǵydai jaǵdai jasalatyn bolady. Jańa keshende eýropalyq standartqa sáikes keletin 11 úlken jáne shaǵyn fýtbol alańy, jasandy jabyn, tolyq sýarý jáne drenaj júiesi bar.
Oblys ortalyǵynda at sporty kesheni de salynýda. 35 gektar jerde ornalasqan keshende Polo-klýb, manej, stendtik atysqa arnalǵan alańqai, sadaq atýǵa arnalǵan alań, kanal arqyly ótetin kópir men atpen serýendeý aimaǵy bolady. Oblys basshysy sonymen birge jaqyn kúnderi ashylatyn Ekobazarda bolyp, ondaǵy infraqurylym júrgizý jumystarymen tanysty.
