Sarapshy Shanhaı yntymaqtastyq uıymynyń samıtinde ne talqylanatynyn aıtty, - dep habarlaıdy Dalanews.kz.
"Baraeva" telegram arnasynyń málimetinshe, SHYU-ǵa múshe memleketter basshylarynyń búgingi samıti qurlyqtaǵy eń mańyzdy saıası oqıǵa, onda talqylanatyn negizgi taqyryptyń biri - jahandyq qaýipsizdik bolmaq. Samıt jumysyn aıqyndaıtyn negizgi úsh trend bar:
- Jahandyq yqpaldyń ózgerýi: Qytaıdyń damýy men Batystyń Eýrazıaǵa yqpalynyń álsireýimen SHYU aımaqtaǵy elderdiń yntymaqtastyqty damytýdaǵy kúsh-jigerin úılestirý alańyna aınalǵan. Al Qazaqstan bul úılestirýde basty rólderdiń birin atqarady.
- Qazaqstan úshin paıdasy: Qazaqstan aımaqtyq turaqtylyq jáne ulttyq múddelerdi ilgeriletý úshin SHYU-ny paıdalana otyryp, jahandyq seriktestermen keń jáne teń quqyly dıalogqa umtylady.
- SHYU keńeıýi: Úndistannyń, Pákistannyń qosylýy jáne Belarýstiń josparlanǵan qosylýy qaqtyǵystar qaýpin azaıtýǵa jáne uıymdy qýatty aımaqtyq blok retinde nyǵaıtýǵa kómektesedi.
Aıta keteıik, Astanada 3-4 shildede ótetin samıtke 16 elden prezıdentter men premer-mınıstrler keledi, BUU bas hatshysy men ózge de halyqaralyq uıymdardyń basshylary qatysady dep josparlanǵan.
