Biyl Qazaqstannyń ońtústik, ońtústik-shyǵys jáne ońtústik-batys aimaqtarynda jaýyn-shashyn azaiyp, qurǵaqshylyq uzaqqa sozylǵan. Bul týraly Úkimet otyrysynda Ekologiia jáne tabiǵi resýrstar ministri Álibek Qýantyrov málimdedi, dep habarlaidy dalanews.kz.
Ministrdiń aitýynsha, 2026 jylǵy vegetatsiialyq kezeń eldiń soltústiginen ózge astyq ósiretin birqatar óńir úshin kúrdeli bolǵan. Respýblikanyń basym bóliginde qurǵaqshylyqtyń qarqyny men uzaqtyǵy árkelki baiqalǵan.
«Qurǵaqshylyqtyń eń uzaq kezeńderi eldiń ońtústigi, ońtústik-shyǵysy men ońtústik-batysynda tirkeldi. Olardyń qatarynda Túrkistan, Jambyl, Qyzylorda, Abai jáne Jetisý oblystary bar», – dedi Álibek Qýantyrov.
Onyń sózinshe, elimizdiń kóptegen aimaǵynda mundai aýa raiy klimattyq qalypty qubylys sanalady. Soǵan qaramastan uzaqqa sozylǵan qýańshylyq eginniń jetilýine jáne aýyl sharýashylyǵy jumystarynyń barysyna áser etýi múmkin.
Aldaǵy aýa raiyna qatysty boljamdar egin jinaý naýqany men ózge de dala jumystaryn josparlaý kezinde eskerilip otyr. «Qazgidromet» qysqa merzimdi meteorologiialyq boljamdardy aptasyna eki ret Aýyl sharýashylyǵy ministrligi men Úkimet apparatyna joldaidy.
