ساراپشى شانحاي ىنتىماقتاستىق ۇيىمىنىڭ سامميتىندە نە تالقىلاناتىنىن ايتتى، - دەپ حابارلايدى Dalanews.kz.
"بارايەۆا" تەلەگرام ارناسىنىڭ مالىمەتىنشە، شىۇ-عا مۇشە مەملەكەتتەر باسشىلارىنىڭ بۇگىنگى ءسامميتى قۇرلىقتاعى ەڭ ماڭىزدى ساياسي وقيعا، وندا تالقىلاناتىن نەگىزگى تاقىرىپتىڭ ءبىرى - جاھاندىق قاۋىپسىزدىك بولماق. سامميت جۇمىسىن ايقىندايتىن نەگىزگى ءۇش ترەند بار:
- جاھاندىق ىقپالدىڭ وزگەرۋى: قىتايدىڭ دامۋى مەن باتىستىڭ ەۋرازياعا ىقپالىنىڭ السىرەۋىمەن شىۇ ايماقتاعى ەلدەردىڭ ىنتىماقتاستىقتى دامىتۋداعى كۇش-جىگەرىن ۇيلەستىرۋ الاڭىنا اينالعان. ال قازاقستان بۇل ۇيلەستىرۋدە باستى رولدەردىڭ ءبىرىن اتقارادى.
- قازاقستان ءۇشىن پايداسى: قازاقستان ايماقتىق تۇراقتىلىق جانە ۇلتتىق مۇددەلەردى ىلگەرىلەتۋ ءۇشىن شىۇ-نى پايدالانا وتىرىپ، جاھاندىق سەرىكتەستەرمەن كەڭ جانە تەڭ قۇقىلى ديالوگقا ۇمتىلادى.
- شىۇ كەڭەيۋى: ءۇندىستاننىڭ، پاكىستاننىڭ قوسىلۋى جانە بەلارۋستىڭ جوسپارلانعان قوسىلۋى قاقتىعىستار ءقاۋپىن ازايتۋعا جانە ۇيىمدى قۋاتتى ايماقتىق بلوك رەتىندە نىعايتۋعا كومەكتەسەدى.
ايتا كەتەيىك، استانادا 3-4 شىلدەدە وتەتىن سامميتكە 16 ەلدەن پرەزيدەنتتەر مەن پرەمەر-مينيسترلەر كەلەدى، بۇۇ باس حاتشىسى مەن وزگە دە حالىقارالىق ۇيىمداردىڭ باسشىلارى قاتىسادى دەپ جوسپارلانعان.
