Túrkistanda toǵyz ailyq sábi eki batareika jutyp qoiǵan, dep habarlaidy dalanews.kz.
Densaýlyq saqtaý basqarmasy dereginshe, Túrkistan oblystyq balalar aýrýhanasyna toǵyz ailyq bala aýyr jaǵdaida jetkizilgen. Tekseris barysynda ol eki batareika jutyp qoiǵany anyqtalǵan.
Dárigerler shuǵyl ota jasap, bógde zattyń birin alyp shyqqan. Al ekinshisi ishek jolyna ótip ketkendikten, mamandar balanyń jaǵdaiyn baqylaýda ustaǵan. Birneshe kúnnen keiin ol tabiǵi jolmen shyqqan.
"Otadan keiin bala úsh táýlik boiy jansaqtaý bóliminde em aldy, qazir jaǵdaiy turaqtaldy", - dedi dárigerler.
