Batystyq BAQ Astanada ótip jatqan Shanhai Yntymaqtastyq Uiymynyń (ShYU) sammitine bailanysty jan-jaqty pikir bildirýde, dep habarlaidy Dalanews.kz.
Olardyń jazýynsha, ShYU Qytai, Resei jáne Irandy biriktiretin "NATO-ǵa qarsy" jiyn retinde sipattalýda.
"Orta Aziia memleketteri geografiialyq shyndyǵynan qashyp qutyla almaidy jáne ekonomikalyq jaǵynan órkendeýi úshin Resei men Qytaiǵa úlken senim artýǵa tiis. Sonymen qatar olardyń bolashaqtaǵy táýelsizdigi belgili bir erejelerge negizdelgen halyqaralyq tártipke qurmet kórsetýin talap etedi", - deidi The Times Of Central Asia agenttigi.
Sonymen qatar olar Qazaqstandaǵy sońǵy demokratiialyq reformalar "NATO-ǵa qarsy" elderdiń avtoritarlyq beinesine qarama-qaishy kelip jatqanyn da alǵa tartady. Jaqynda Armeniia Ujymdyq qaýipsizdik týraly shart (UQShU) uiymyndaǵy músheligin toqtatatyny týraly málimdegen edi. Jalpy alǵanda, aimaq elderi – ártúrli yntamen – kópvektorly syrtqy saiasatty júzege asyryp keledi.
"ShYU-nyń Astanada ótip jatqan is-sharasy Shyǵysqa baǵyttalǵan kóshbasshylar tobyn biriktiredi. Olar Uiym músheleri arasyndaǵy yntymaqtastyqty tereńdetý týraly sóz qozǵaidy. Batys baspasózi bul jiyndy Batysqa qarsy dep aiyptasa da, Orta Aziianyń Reseige qarsy halyqaralyq sanktsiialardy qoldaýy jáne Ýkrainamen qaqtyǵysta beitaraptyq tanytýy Vladimir Pýtin men onyń jaqtastaryn aitarlyqtai renjitkeni ras", - deidi basylym.
