Shymqalada 800-den astam kásipker «Ashyq» jobasyna qatysýǵa ótinim bergen
Shymkentte halyqqa qyzmet kórsetetin kásipkerlik nysandar 26 sáýirden bastap «Ashyq» jobasyna ótti. S.Adambekovanyń málimdeýinshe, 2021 jylǵy 13 mamyrdaǵy jaǵdai boiynsha kásipkerlerden jobaǵa qatysýǵa barlyǵy 858 ótinim túsken. Onyń ishinde 404-ne QR kod berildi.
«Ashyq» mobildi qosymshasy biznes uiymdarynyń karantin kezinde úzdiksiz jumys isteýine múmkindik beredi. Qonaqtar men qyzmetkerlerdiń infektsiiany juqtyrý qaýpi aitarlyqtai tómendeitindikten, pilottyq joba karantindik shekteýler kezinde biznes qyzmetin jalǵastyrý (qaita bastaý) algoritmderin ońtailandyrýǵa septigin tigizedi.
– Qazir bul jobaǵa kásipkerlerdiń qyzyǵýshylyǵy artyp otyr. Alaida tirkelim kezinde keibir kásipkerler ótinimdi, biznes sáikestendirý nómirin nemese mekenjailaryn qate kórsetedi. Sol sebepten, olarǵa QR kod berilmeidi. Qazir saittaǵy tehnikalyq aqaýlar da retke keltirildi. Júie durys jumys istep tur. Kásipkerler palatasy tehnikalyq protsesterdi turaqty negizde sait ázirleýshilermen tikelei pysyqtaýda, – dedi Kásipkerler palatasy direktorynyń orynbasary.
Shymkent qalasynyń sanitariialyq-epidemiologiialyq baqylaý departamenti basshysynyń orynbasary A.Ahmetovtiń aitýynsha, jobaǵa qatysatyn nysandarǵa birqatar jeńildik beriledi. Olardyń jumys isteý ýaqyty uzartylady.
Jobanyń basty maqsaty – kásipkerlerge jaǵdai jasaý jáne kovid infektsiiasyn juqtyrýdy azaitý. Al mártebesi «qyzyl», «sary» bolyp anyqtalǵan azamattar kásipkerlik nysanǵa kirgizilmeidi.
Sondai-aq, spikerler «ASHYQ» jobasy boiynsha jii qoiylatyn suraqtarǵa jaýap berdi.
