Shymkenttegi strategiialyq mańyzy bar sý sharýashylyǵy nysandary sot arqyly memleket menshigine qaitaryldy. Bul sheshim Joǵary aýditorlyq palatanyń usynymy negizinde qabyldandy, dep habarlaidy Dalanews.kz.
Joǵary aýditorlyq palata ótken jyldyń jeltoqsan aiynda sý burý salasyndaǵy biýdjet qarajaty men aktivteriniń paidalanylý tiimdiligine memlekettik aýdit júrgizdi. Aýdit barysynda Shymkenttiń strategiialyq mańyzy bar sý sharýashylyǵy nysandary jeke menshikte ekeni anyqtaldy. Bul QR Sý kodeksi talaptaryna buzady.
Osyǵan bailanysty Úkimetke atalǵan obektilerdi zańnama normalaryna sai memleket menshigine qaitarý boiynsha sharalar qabyldaý usynyldy.
Nátijesinde Shymkent qalasynyń mamandandyrylǵan aýdanaralyq ekonomikalyq soty qala ákiminiń talap-aryzyn qanaǵattandyrdy. Jeke menshik JShS men Ońtústik Qazaqstan oblysynyń memlekettik múlik jáne jekeshelendirý komiteti (quqyqtyq murageri – Túrkistan oblysynyń memlekettik múlik jáne jekeshelendirý departamenti) arasynda jasalǵan satyp alý-satý sharty jaramsyz dep tanyldy.
Memlekettik aýdittiń qorytyndysy boiynsha berilgen Joǵary aýditorlyq palatanyń basqa da tapsyrmalary men usynymdarynyń oryndalýy baqylaýda bolady.
Qazaqstan ekonomikasyn demonopolizatsiialaý boiynsha keshendi jumys Memleket basshysy Qasym-Jomart Toqaevtyń tapsyrmasyna sáikes 2022 jyldan beri júrgizilip keledi. Osy ýaqyt aralyǵynda bul sharalar munai jáne munai ónimderi, tabiǵi gaz, elektr energiiasy, temirjol kóligi, azamattyq aviatsiia, qoǵamdyq kólik, telekommýnikatsiia jáne basqa da naryqtardy qamtydy.
