Shymkentte jol qaýipsizdigin kúsheitý maqsatynda júrgizilip jatqan aýqymdy jedel-profilaktikalyq is-shara aiasynda bir aptada 500-den astam kólik aiypturaqtaryna qoiylǵan, dep habarlaidy Dalanews.kz.
24.kz arnasynyń málimetinshe, qalaǵa Jambyl, Qaraǵandy jáne Qyzylorda oblystarynan arnaiy jasaq kelgen. Qazirgi ýaqytta patrýldik qyzmet táýlik boiy, iaǵni kúndiz de, túnde de úzdiksiz jumys istep jatyr.
Tekserý barysynda jol erejesin buzǵan nemese qujattary talapqa sai emes kólikter birden aiyp turaǵyna jóneltiledi. Sonyń nátijesinde bir apta ishinde 500-den astam avtokólik arnaiy turaqqa qoiylǵan.
Tekserý barysynda qalada alǵashqy meditsinalyq qobdisha, órt sóndirgish jáne jaryq shaǵylystyratyn keýdeshelerge suranys kúrt artqan. Sondai-aq tehnikalyq qyzmet kórsetý ortalyqtarynda da kezek kóbeigen. Kólik ieleri qysqy dóńgelekterin aýystyryp qana qoimai, áinektegi jaryqtardy jóndeýge de júgine bastaǵan.
Alaida politsiia ókilderi bir apta ishinde alǵashqy kómek qobdishasy nemese órt sóndirgishtiń bolmaǵany úshin eshkimge aiyppul salynbaǵanyn atap ótti.
Quqyq qorǵaý organdary barlyq jumys jol qozǵalysy erejelerine sáikes júrgizilip jatqanyn málimdedi. Sonymen qatar turǵyndar arasynda túsinbeýshilik týyndap, túrli suraq kóbeigeni aityldy.
"Halyqtan kóp suraq túsip jatyr, biz túsindirý jumystaryn júrgizýdemiz. Resmi paraqshalar men barlyq qoljetimdi arnalar arqyly aqparat berilýde. Eshqandai dúrbeleńge berilýdiń qajeti joq", – dep habarlady Shymkent qalalyq politsiia departamenti 24.kz arnasyna.
