Onyń aitýynsha búginde infektsiialyq gospitalde 77 palata jáne 2 reanimatsiialyq zal bar. Ottegi jetkilikti. Munda Sovid 19 jáne penevmoniiaǵa shaldyǵyp, densaýlyǵy aýyr jaǵdaidaǵy naýqastar túsýde eken.
– Gospitaldiń jansaqtaý bólimine túsip, keiin densaýlyǵy ońalyp turaqtalǵan, alaida birneshe kún taǵy dáriger baqylaýynda bolýy kerek naýqastardy provizorlyq ortalyqtarǵa aýystyryp, jaǵdaiy aýyr naýqastarǵa oryn daiyndaý jedel sheshý kerek. Jedel járdem qyzmetkerleri ary-beri júrmeýi kerek, – dep tapsryma berdi qala ákimi.
Munan keiin Murat Áitenov Qazyǵurt shaǵyn aýdanyndaǵy №86 mektepte daiyndalyp jatqan kúndizgi statsionardyń jumysymen tanysty.
Ǵimaratta júzden astam naýqasty qabyldaýǵa múmkindik bar. Taǵy oryn qajettiligi týyndasa, nysannyń ekinshi qabatyn da qoldanýǵa bolady. Bul kúndizgi statsionarǵa dári jetkizý máselesi de sheshilgen. Dál osyndai statsionarlar Sáýle, Aqjar shaǵyn aýdandarynda da daiyndalýda eken.
– Jedel járdemmen jetkizilgen naýqastarǵa alǵashqy meditsinalyq kómek kórsetilýde. Eger de aýrýhanaǵa jatqyzylý kerek jaǵdai bolsa, bos oryndar bar. Eki aýysymda 20 dáriger jumys jasaýda. Naýqastardyń jaǵdaiy turaqty, – deidi ol.
Sondai-aq, jeńil atletika manejinde kúndizgi statsionar retinde bes júzge jýyq tósek-oryn daiyndalýda. Qala ákimi sport kesheninde bolyp, ondaǵy jumysty úilestirý jáne qajetti jabdyqtarmen qamtý máselesi boiynsha naqty tapsyrmalar berdi.
– Munda kelýshi naýqastar esh qiyndyqsyz emdelýi kerek jáne halyqty kúttirmeńder. Basty maqsat – árbir adamnyń em alýy qoljetimdi bolýy tiis, – dedi Murat Dúisenbekuly.
Munan ózge qala basshysy aýyr jaǵdaidaǵy naýqastar ǵana emes, jeńil formadaǵy aýrýlar úshin de barlyq jaǵdaidyń daiyn bolýy úshin naqty tapsyrmalar berdi.
Sonymen qatar, kásipkerlik nysandardaǵy karantindik talaptardyń saqtalýyn ózi kórip qaitty.
