Jiyndy «Sý resýrstary–Marketing» JShS bas direktory Anarbek Orman ashyp, alǵysózdi Shymkent qalalyq qoǵamdyq keńestiń jáne qalalyq kásipodaqtar birlestiginiń tóraǵasy Baýyrjan Álteevke berdi.
Baýyrjan Ilimsheuly Prezident Joldaýynda kóterilgen qoǵamdaǵy demokratiia, jańa ekonomikalyq saiasat, aýyl sharýashylyǵynyń jańa sektorlaryn damytý, zańnama júiesin jańǵyrtý siiaqty ózekti taqyryptarǵa toqtaldy.
– Bul Joldaý Qazaqstan Respýblikasynyń Konstitýtsiiasyna ózgerister men tolyqtyrýlar engizý boiynsha biylǵy 5 maýsymda ótken respýblikalyq referendýmnyń jalǵasy ispetti boldy.
Ol saiasi oqiǵanyń aldynda óte aýqymdy túsindirý jumystary júrgizilip, Ata Zańǵa engizilgen ózgeristerdiń nátijesinde jańa memlekettik basqarý modeline, bilik pen qoǵamnyń ózara bailanysynyń jańa formatyna aýysy bastaldy.
Memleket basshysynyń Joldaýynda, sonymen qatar, zań men tártip, basqarý júiesin qaita qurý, sot júiesiniń reformasy sekildi taqyryptar kóterildi.
Sebebi, eski júieniń merzimi ótti, qazirgi tańdaǵy qoldanysqa sai emes. Sol úshin halyq arasynda únemi aqparattyq-nasihat jumysy júrgizilýi kerek. Kóbisi Joǵary sottan keiin shaǵymdanatyn oryn joq dep sanaidy. Olai emes, bizdiń elimizde Konstitýtsiialyq sot bar, – dedi Baýyrjan Ilimsheuly.
Jiynda qoǵamdyq keńestiń músheleri Abdýlla Ahmetov, Ismail Shalabaev, Erbol Jolbarysov jáne basqa da spikerler Joldaýda kóterilgen tek saiasi ǵana emes, ekonomikalyq máselelerge, Prezident bergen tapsyrmalarǵa toqtalyp ótti.
Olardyń aitýynsha, búginde memleketimiz demokratiianyń dańǵyl jolyna túsip, elimizde áleýmettik salaǵa da basa nazar aýdarylýda.
Kezdesýde jer qatynastary, salyq júiesindegi jańashyldyqtar da sóz boldy. Baýyrjan Álteevtiń aitýynsha, shaǵyn jáne orta bizneske salyq salýǵa differentsiialy túrde kelý kerek. Jaqsy jumys istep, el ekonomikasyna úles qosyp júrgen, tabys taýyp, qyzmetkerlerine jaqsy jalaqy tóleitin kásipkerlik nysandaryna jeńildik bergen durys dep sanaidy qoǵamdyq keńes múshesi. Spiker tiimdi ári zań talabyn múltiksiz oryndaityn kásipkerlerge indýstrialdy aimaqtardaǵy jer ýchaskeleriniń bir bóligin jeke menshikke de berýge bolady deidi.
– Memleketimizdiń basty qundylyǵy – adam jáne onyń ómiri. Degenmen, ókinishke qarai, búgingi tańda densaýlyq saqtaý qyzmeti kórsetilmeitin aýyldar da bar. Aldaǵy 2-3 jylda bizge felsherlik-akýsherlik pýnktter quryp, aýyldaǵy aǵaiyn alysqa sandalmaityndai jaǵdai jasaý kerek, – dedi Baýyrjan Álteev.
Jiynda elimizdegi eń tómengi jalaqy mólsheri de talqylandy. Aitqandai, onyń kólemi 2023 jyly 70 myń teńge bolady. Jáne munymen toqtamaidy desti.
Al Anarbek Orman shaǵyn jáne orta bizneske memleket tarapynan kórsetiletin qoldaý arta tússe degen nietin jetkizdi.
– Bulai óte durys bolar edi. Mysaly, Anarbek Orman – óz jumyskerleriniń áleýmettik quqyqtaryn únemi qorǵap júretin jumys berýshi. Ol basqaratyn jaýapkershiligi shekteýli seriktestik qalalyq kásipodaq birlestiginiń quramyna enedi. Jáne biz qatarymyzda osyndai mekeme bar ekenin maqtan tutamyz, – dedi Baýyrjan Álteev.
«Shymkent kelbeti»
