Shymkentte Nuraidyń ólimine qatysty is boiynsha kúdiktiniń áreketi asa qatygezdikpen jasalǵan adam óltirý babymen qaita saralandy,dep habarlaidy Dalanews.kz.
Advokat Aianhan Omarovtyń málimdeýinshe, is Qylmystyq kodekstiń 99-baby 2-bóliginiń 5-tarmaǵy boiynsha (asa qatygezdikpen adam óltirý) dárejelengen. Bul bap boiynsha eń aýyr jaza – ómir boiyna bas bostandyǵynan aiyrý kózdelgen.
Qorǵaýshy bul sheshimdi ádildik jolyndaǵy jumystyń nátijesi dep baǵalap, Shymkent qalalyq politsiia departamenti basshysynyń tergeý jónindegi jańa orynbasary E.Erejepovke jáne Tergeý basqarmasynyń basshysy J.Qulmahanǵa rizashylyǵyn bildirgen.
Advokattyń aitýynsha, endigi kezeńde is tolyq ári jan-jaqty tergelip, barlyq mán-jai obektivti túrde qaralýy tiis.
Aita keteiik, buǵan deiin qoǵamda Nuraidyń ólimine bailanysty istiń ádil tergelýine qatysty alańdaýshylyq týyndap, áleýmettik jelilerde keńinen talqylanǵan edi.
