Endi №5-shi sport mektebi álemdik keńistiktegi sporttyq sharalardy qabyldaý múmkindigine qol jetkizdi. Buǵan deıin el aýmaǵynda mundaı múmkindikke Astana jáne Almaty qalalary ǵana ıe bolyp kelgen edi.
Búgingi paıdalanýǵa berilip otyrǵan boks mektebi ońtústik óńiri jas boksshylarynyń tyńǵylyqty daıyndalýyna arnalǵan basty sporttyq baza bolyp tabylatynyn aıtqan óńir basshysy keshen el aýmaǵyndaǵy halyqaralyq talaptarǵa saı alǵashqy boks mektebi ekenin atap ótti.
– Sport pen dene shynyqtyrý – qashanda memlekettik máni zor áleýmettik sala bolyp tabylady. Elbasymyz deni saý, oıy sergek halyq qana álemdik básekege qabiletti bolatynyn san márte aıtyp keledi. Bul rette Prezıdentimiz 2020 jylǵa deıin qazaqstandyqtardyń 30 paıyzyn buqaralyq sportqa tartýdy tapsyrǵan bolatyn. Urpaǵymyzdyń rýhy bıik, densaýlyǵy myqty bolýy úshin buqaralyq sportty barynsha keń nasıhattap, jastardyń sportpen shuǵyldanýyna ózimiz bastamashy bolǵanymyz durys, – dedi J.Túımebaev.
Jańa ǵımaratta sportshylar úshin bokstyń ádis-tásilderine mashyqtanýy úshin tolyq jaǵdaı jasalǵan. Nysanda sońǵy úlgidegi zamanaýı oqý synyptary, jattyǵý bólmeleri, janǵa jaıly qonaqúı, medısına kabıneti, monsha, arnaıy kásipqoı boks kesheni jáne 220 kórermenge laıyqtalǵan arenasy bar.
Sonymen qatar, munda jas óskinderdiń biliktilik qabiletin arttyrý maqsatynda Olımpıada oıyndarynyń jeńimpazdary men ulttyq qurama múshelerinen dáris alýyna jaǵdaı jasalǵan. Bul sport mektebinde qazirgi tańda 700-ge taıaý tálimger jattyǵýda.
OQO ákiminiń baspasóz qyzmeti
