ەندى №5ء-شى سپورت مەكتەبى الەمدىك كەڭىستىكتەگى سپورتتىق شارالاردى قابىلداۋ مۇمكىندىگىنە قول جەتكىزدى. بۇعان دەيىن ەل اۋماعىندا مۇنداي مۇمكىندىككە استانا جانە الماتى قالالارى عانا يە بولىپ كەلگەن ەدى.
بۇگىنگى پايدالانۋعا بەرىلىپ وتىرعان بوكس مەكتەبى وڭتۇستىك ءوڭىرى جاس بوكسشىلارىنىڭ تىڭعىلىقتى دايىندالۋىنا ارنالعان باستى سپورتتىق بازا بولىپ تابىلاتىنىن ايتقان ءوڭىر باسشىسى كەشەن ەل اۋماعىنداعى حالىقارالىق تالاپتارعا ساي العاشقى بوكس مەكتەبى ەكەنىن اتاپ ءوتتى.
– سپورت پەن دەنە شىنىقتىرۋ – قاشاندا مەملەكەتتىك ءمانى زور الەۋمەتتىك سالا بولىپ تابىلادى. ەلباسىمىز دەنى ساۋ، ويى سەرگەك حالىق قانا الەمدىك باسەكەگە قابىلەتتى بولاتىنىن سان مارتە ايتىپ كەلەدى. بۇل رەتتە پرەزيدەنتىمىز 2020 جىلعا دەيىن قازاقستاندىقتاردىڭ 30 پايىزىن بۇقارالىق سپورتقا تارتۋدى تاپسىرعان بولاتىن. ۇرپاعىمىزدىڭ رۋحى بيىك، دەنساۋلىعى مىقتى بولۋى ءۇشىن بۇقارالىق سپورتتى بارىنشا كەڭ ناسيحاتتاپ، جاستاردىڭ سپورتپەن شۇعىلدانۋىنا ءوزىمىز باستاماشى بولعانىمىز دۇرىس، – دەدى ج.تۇيمەبايەۆ.
جاڭا عيماراتتا سپورتشىلار ءۇشىن بوكستىڭ ادىس-تاسىلدەرىنە ماشىقتانۋى ءۇشىن تولىق جاعداي جاسالعان. نىساندا سوڭعى ۇلگىدەگى زاماناۋي وقۋ سىنىپتارى، جاتتىعۋ بولمەلەرى، جانعا جايلى ءقوناقۇي، مەديسينا كابينەتى، مونشا، ارنايى كاسىپقوي بوكس كەشەنى جانە 220 كورەرمەنگە لايىقتالعان ارەناسى بار.
سونىمەن قاتار، مۇندا جاس وسكىندەردىڭ بىلىكتىلىك قابىلەتىن ارتتىرۋ ماقساتىندا وليمپيادا ويىندارىنىڭ جەڭىمپازدارى مەن ۇلتتىق قۇراما مۇشەلەرىنەن ءدارىس الۋىنا جاعداي جاسالعان. بۇل سپورت مەكتەبىندە قازىرگى تاڭدا 700-گە تاياۋ تالىمگەر جاتتىعۋدا.
وقو اكىمىنىڭ باسپا ءسوز قىزمەتى
