Shymkentte ýniversitettegi aqsha jymqyrý áreketi áshkerelendi, dep habarlaidy Dalanews.kz.
QMA Shymkent qalasy boiynsha departamenti M.Áýezov atyndaǵy Ońtústik Qazaqstan ýniversitetinde asa iri kólemde biýdjet qarajatyn jymqyrý jáne qylmystyq jolmen alynǵan múlikti zańdastyrý deregi boiynsha qylmystyq isti tergep-tekserýdi aiaqtady. Kúdiktiler qatarynda rektordyń mindetin atqarýshy, qarjy jáne ákimshilik departamentterdiń direktorlary, sondai-aq, seriktes uiymdardyń basshylary bar.
Tergeý nátijesinde ýniversitet qyzmet kórsetý, qurylys-montaj jumystary men taýar jetkizýge qatysty jalpy somasy 256 mln teńge bolatyn jalǵan kelisimsharttar jasaǵany anyqtaldy.
"Bul jumystar is júzinde oryndalmaǵan. Biýdjet qarjysy jalǵan aktiler negizinde bailanysy bar kompaniialardyń shottaryna aýdarylyp, keiin qolma-qol aqshaǵa ainaldyrylǵan", - dep jazylǵan habarlamada.
Qylmystyq jolmen alynǵan kiriske kúdiktiler 6 qymbat kólik (Mercedes-Benz S-klass, Lexus LX570 jáne t.b.) pen Shymkent qalasynyń ortalyǵynan quny 254 mln teńge bolatyn elitalyq kottedj satyp alǵan. Olarǵa sot sanktsiiasymen tyiym salyndy.
4 kúdiktige úiqamaq túrindegi bultartpaý sharasy qabyldandy. Qylmystyq is sotqa joldandy.
