Shymkentte turǵyn úi basqarmasy basshysynyń orynbasary 9 jylǵa sottaldy, - dep habarlaidy Dalanews.kz.
Shymkent qalalyq qylmystyq ister jónindegi aýdanaralyq sotynda qalalyq turǵyn úi basqarmasy basshynyń orynbasary M. jáne jeke kásipker O.-ǵa qatysty qylmystyq is qaraldy.
Tergep-tekserý organymen M. laýazymdy adamnyń adamdar tobynyń aldyn ala sóz bailasýy boiynsha asa iri mólsherdegi biýdjet qarajatyn jymqyrǵany (QK-niń 189-baby 4-bóliginiń 2) tarmaǵy) jáne laýazymdy adamnyń qylmystyq jolmen alynǵan iri mólsherdegi aqshany zańdastyrǵany úshin QK-niń 218-baby 3-bóliginiń 1), 3) tarmaqtary) aiyptalǵan.
O. - aldyn ala sóz bailasýy boiynsha asa iri mólsherdegi biýdjet qarajatyn jymqyrǵany úshin (QK-niń 189-baby 4-bóliginiń 2) tarmaǵy) aiyptalǵan.
M. Shymkent qalasynyń turǵyn úi basqarmasy basshynyń orynbasary bola tura, 2023 jyly kópqabatty turǵyn úilerdiń seismikalyq turaqtylyǵy boiynsha tehnikalyq zertteý júrgizýge qatysty memlekettik satyp alý sharttary boiynsha oryndalmaǵan jumystardy jáne kópqabatty turǵyn úilerdiń jóndeý jumystaryna qatysty oryndalmaǵan jumystardy qabyldap, biýdjettiń jalpy 367 mln. teńgeden astam aqshany sottalýshy – jeke kásipker O.-nyń kómegimen jymqyrǵan.
O. basqa tulǵalardyń atyna tirkelgen jáne tenderler boiynsha jenimpaz bolǵan JShS-ter arqyly aqsha qarajattaryn alǵan.
M. óziniń ata-anasynyń atyna tirkelgen monsha keshenin salýdy uiymdastyryp, osy arqyly qylmystyq jolmen tapqan aqshany zańdastyrǵan.
Sottalýshylardyń kinási kýálerdiń jaýaptarymen, zattai dáleldemelermen, jasyryn tergeý áreketterimen, stenogrammamen, sarapshylardyń jáne mamandardyń qorytyndylarymen jáne basqa da is boiynsha jinaqtalǵan dáleldemelerdiń jiyntyǵymen tolyq dáleldendi.
Sot, sottalýshylardyń qylmystyq jaýapkershiligin jeńildetetin mán-jailar retinde olardyń ár qaisysynyń asyraýynda jasóspirim balalarynyń bolýyn tanydy.
M.-nyń qylmystyq jaýapkershiligin aýyrlatatyn mán-jai retinde qylmystyq quqyq buzýshylyqty bergen kásibi antyn buza otyryp jasaýyn tanydy, O.-nyń qylmystyq jaýapkershiligin aýyrlatatyn mán-jailar anyqtalmady.
Sotpen M. QK-niń 189-baby 4-bóliginiń 2) tarmaǵymen, 218-baby 3-bóliginiń 1), 3) tarmaqtarymen kináli dep tanylyp, oǵan túpkilikti múlkin tárkilep, 9 jylǵa bas bostandyǵynan aiyrý jazasy taǵaiyndaldy.
O. QK-niń 28-baby 5-bóliginiń, 189-baby 4-bóliginiń 2) tarmaǵymen kináli dep tanylyp, oǵan 8 jyl merzimge bas bostandyǵynan aiyrý jazasyn taǵaiyndady.
Sot úkimi zańdy kúshine engen joq.
