Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Shymkentte «Qyz Jibek» etno-folklorlyq miýzikli qoiylmaq

Dalanews
Shymkentte «Qyz Jibek» etno-folklorlyq miýzikli qoiylmaq
Ońtústik Qazaqstan oblysynyń ákimi J.Túimebaevtyń qoldaýymen Shymkent qalasynda Elordanyń 20 jyldyǵy men «Rýhani jańǵyrý» baǵdarlamasy aiasynda «Astana Musical» teatry «Qyz Jibek» etno-folklorlyq miýziklin sahnalaidy. Sondai-aq, óner ujymynyń saparynyń maqsaty – elimizdiń óner salasyndaǵy úzdik jetistikterin kórsetý. Búgin bul týraly OQO óńirlik kommýnikatsiialar qyzmetinde ótken brifingte "Astana Musical" teatrynyń ártisi Sailaý Qamiev málim etti.

Aita keterligi, «Astana Musical» – elimizdegi jáne Ortalyq Aziiadaǵy tuńǵysh mamandandyrylǵan miýzikl teatry. Elordalyq óner ujymy zamanaýi jańalyqtardy negizge ala otyryp, otandyq jáne álemdik miýziklderdiń biregei repertýarynyń ortalyǵyna ainalyp keledi.

– Teatr ártisteri elimizdiń rýhani qundylyqtaryna ainalǵan halyq ánderi men kompozitorlarynyń shyǵarmalary jáne ulttyq operamyz ben klassikalyq mýzykamyzdyń injý-marjandaryn qamtityn «Qyz Jibek» qoiylymyn sahnalaidy. Dala teatrynyń negizindegi týyndy kórermenge qazaq halqynyń ulttyq bolmysy men tynys-tirshiligin aiqyn kórsetedi. Sondai-aq, ónersúier qaýym spektaklde qos aqynnyń sóz tartysy, oi qaqtyǵysymen qatar halqymyzdyń sýyrypsalmalyq ónerin dáripteitin aitysty tamashalaityn bolady, – dedi Sailaý Ǵalymjanuly.

Baspasóz málishatyna qatysqan Qazaqstannyń eńbek sińirgen qairatkeri Ainur Bermuxambetova atalǵan miýzikl «Jahandaǵy zamanaýi qazaqstandyq mádeniet» jobasy aiasynda 2017 jyldyń jeltoqsan aiynda Frantsiia, Belgiia, Avstriia, Resei memleketterinde sahnalanyp, sheteldik talǵampaz kórermenniń qoshemetine bólengendigin jetkizip, teatr tarihyna toqtaldy.

«Qazaqkontsert» Memlekettik kontserttik uiymynyń «Astana Musical» teatry QR Mádeniet jáne sport ministrliginiń qoldaýymen 2016 jyldyń maýsym aiynda qurylǵan. Óner ordasy óz shymyldyǵyn Baqyt Qaiyrbekov pen Ánnás Baǵdattyń «Dostar serti» miýziklimen ashqan bolatyn. Búginde teatr repertýarynda kópshiliktiń qoshemetine ie bolǵan 5 qoiylym bar», - dedi Ainur Bermuxambetova.

Aita keterligi, «Qyz Jibek» etno-folklorlyq qoiylymynyń qoiýshy-rejisseri A.Maemirov, rejisseri E.Nursultan, baletmeisteri A.Sadykova jáne Jibek pen Tólegenniń rólin teatr ártisteri I.Rizabekova men O.Igilik somdaityn bolady.

OQO ákiminiń baspasóz qyzmeti

 

https://dalanews.kz/31801
Shymkent Qyz Jibek Túimebaev Astana Musical Sailaý Qamiev etno-folklorlyq qoiylym Madina Sádýaqasova

Oqi otyryńyz