ايتا كەتەرلىگى، «Astana Musical» – ەلىمىزدەگى جانە ورتالىق ازياداعى تۇڭعىش مامانداندىرىلعان ميۋزيكل تەاترى. ەلوردالىق ونەر ۇجىمى زاماناۋي جاڭالىقتاردى نەگىزگە الا وتىرىپ، وتاندىق جانە الەمدىك ميۋزيكلدەردىڭ بىرەگەي رەپەرتۋارىنىڭ ورتالىعىنا اينالىپ كەلەدى.
– تەاتر ارتىستەرى ەلىمىزدىڭ رۋحاني قۇندىلىقتارىنا اينالعان حالىق اندەرى مەن كومپوزيتورلارىنىڭ شىعارمالارى جانە ۇلتتىق وپەرامىز بەن كلاسسيكالىق مۋزىكامىزدىڭ ءىنجۋ-مارجاندارىن قامتيتىن «قىز جىبەك» قويىلىمىن ساحنالايدى. دالا تەاترىنىڭ نەگىزىندەگى تۋىندى كورەرمەنگە قازاق حالقىنىڭ ۇلتتىق بولمىسى مەن تىنىس-تىرشىلىگىن ايقىن كورسەتەدى. سونداي-اق، ونەرسۇيەر قاۋىم سپەكتاكلدە قوس اقىننىڭ ءسوز تارتىسى، وي قاقتىعىسىمەن قاتار حالقىمىزدىڭ سۋىرىپسالمالىق ونەرىن دارىپتەيتىن ايتىستى تاماشالايتىن بولادى، – دەدى سايلاۋ عالىمجان ۇلى.
باسپا ءسوز ءماليسحاتىنا قاتىسقان قازاقستاننىڭ ەڭبەك سىڭىرگەن قايراتكەرى اينۇر بەرمۇxامبەتوۆا اتالعان ميۋزيكل «جاھانداعى زاماناۋي قازاقستاندىق مادەنيەت» جوباسى اياسىندا 2017 جىلدىڭ جەلتوقسان ايىندا فرانسيا، بەلگيا، اۆستريا، رەسەي مەملەكەتتەرىندە ساحنالانىپ، شەتەلدىك تالعامپاز كورەرمەننىڭ قوشەمەتىنە بولەنگەندىگىن جەتكىزىپ، تەاتر تاريحىنا توقتالدى.
«قازاقكونسەرت» مەملەكەتتىك كونسەرتتىك ۇيىمىنىڭ «Astana Musical» تەاترى ق ر مادەنيەت جانە سپورت مينيسترلىگىنىڭ قولداۋىمەن 2016 جىلدىڭ ماۋسىم ايىندا قۇرىلعان. ونەر ورداسى ءوز شىمىلدىعىن باقىت قايىربەكوۆ پەن ءانناس باعداتتىڭ «دوستار سەرتى» ميۋزيكلىمەن اشقان بولاتىن. بۇگىندە تەاتر رەپەرتۋارىندا كوپشىلىكتىڭ قوشەمەتىنە يە بولعان 5 قويىلىم بار»، - دەدى اينۇر بەرمۇxامبەتوۆا.
ايتا كەتەرلىگى، «قىز جىبەك» ەتنو-فولكلورلىق قويىلىمىنىڭ قويۋشى-رەجيسسەرى ا.ماەميروۆ، رەجيسسەرى ە.نۇرسۇلتان، بالەتمەيستەرى ا.سادىكوۆا جانە جىبەك پەن تولەگەننىڭ ءرولىن تەاتر ارتىستەرى ي.ريزابەكوۆا مەن و.يگىلىك سومدايتىن بولادى.
وقو اكىمىنىڭ باسپا ءسوز قىزمەتى
https://dalanews.kz/31801
