Shymkentte pyshaq jaraqatynan qaza tapqan 21 jastaǵy qyzdyń aǵasy áleýmettik jelide málimdeme jasady, dep habarlaidy Dalanews.kz.
“Shynymyzdy aitsaq, qan jylap otyrmyz. Biz ár jańalyqty oqyp, qoldaý kórsetip jatqan jandarǵa alǵysymyzdy bildiremiz. Qazirgi tańda bizdiń qolymyzdan keletin jalǵyz nárse – sol “adamǵa” eń joǵary jaza taǵaiyndalýyn talap etý.
Marqumnyń aǵasy qaryndasynyń eshkimge ziiany joq, sabyrly jan bolǵanyn aitady. Onyń sózinshe, kúdikti boijetkendi bir ret emes, uzaq ýaqyt boiy baqylap, mazasyn alǵan.
"Qysqasy, meniń qaryndasym – óte aqyldy, sabyrly, tuiyq, jýas qyz edi. Sol sebepti kóp jaǵdaida basynyp kelgen. “Joq” degen sózdiń mánin túsinbegen. Stalkerdiń qurbany boldy. Qazirgi kezde bizge artyq sóz sóileýge de, jazýǵa da bolmaidy. Sebebi keiin qarsy taraptyń advokattary tyrnaq astynan kir izdeýi múmkin. Sot protsesi ádil ótedi degen senim bar”, - dedi ol.
Eske salaiyq, buǵan deiin Shymkentte pyshaq jaraqatynan qaitys bolǵan 21 jastaǵy boijetkenniń máiiti tabylǵany týraly jazǵan edik.
Egovpress taratqan málimet boiynsha, kúdikti boijetkenniń tanysy. Politsiia "Adam óltirý" baby boiynsha qylmystyq is qozǵaǵan. Qazir kúdiktini izdeý jumystary júrip jatyr. Onyń tulǵasy anyqtalǵan.
