شىمكەنتتە پىشاق جاراقاتىنان قازا تاپقان 21 جاستاعى قىزدىڭ اعاسى الەۋمەتتىك جەلىدە مالىمدەمە جاسادى، دەپ حابارلايدى Dalanews.kz.
“شىنىمىزدى ايتساق، قان جىلاپ وتىرمىز. ءبىز ءار جاڭالىقتى وقىپ، قولداۋ كورسەتىپ جاتقان جاندارعا العىسىمىزدى بىلدىرەمىز. قازىرگى تاڭدا ءبىزدىڭ قولىمىزدان كەلەتىن جالعىز نارسە – سول “ادامعا” ەڭ جوعارى جازا تاعايىندالۋىن تالاپ ەتۋ.
مارقۇمنىڭ اعاسى قارىنداسىنىڭ ەشكىمگە زيانى جوق، سابىرلى جان بولعانىن ايتادى. ونىڭ سوزىنشە، كۇدىكتى بويجەتكەندى ءبىر رەت ەمەس، ۇزاق ۋاقىت بويى باقىلاپ، مازاسىن العان.
"قىسقاسى، مەنىڭ قارىنداسىم – وتە اقىلدى، سابىرلى، تۇيىق، جۋاس قىز ەدى. سول سەبەپتى كوپ جاعدايدا باسىنىپ كەلگەن. “جوق” دەگەن ءسوزدىڭ ءمانىن تۇسىنبەگەن. ستالكەردىڭ قۇربانى بولدى. قازىرگى كەزدە بىزگە ارتىق ءسوز سويلەۋگە دە، جازۋعا دا بولمايدى. سەبەبى كەيىن قارسى تاراپتىڭ ادۆوكاتتارى تىرناق استىنان كىر ىزدەۋى مۇمكىن. سوت پروسەسى ءادىل وتەدى دەگەن سەنىم بار”، - دەدى ول.
ەسكە سالايىق، بۇعان دەيىن شىمكەنتتە پىشاق جاراقاتىنان قايتىس بولعان 21 جاستاعى بويجەتكەننىڭ ءمايىتى تابىلعانى تۋرالى جازعان ەدىك.
Egovpress تاراتقان مالىمەت بويىنشا، كۇدىكتى بويجەتكەننىڭ تانىسى. پوليسيا "ادام ءولتىرۋ" بابى بويىنشا قىلمىستىق ءىس قوزعاعان. ءقازىر كۇدىكتىنى ىزدەۋ جۇمىستارى ءجۇرىپ جاتىر. ونىڭ تۇلعاسى انىقتالعان.
