Shymkentte qarjy piramidasyn uiymdastyrǵan 10 adam sottaldy, dep habarlaidy Dalanews.kz.
Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynda on sottalýshyǵa (bir sottalýshy qylmysty kámelet jasyna tolmaǵan kezde jasaǵan) qatysty qylmystyq is qaraldy.
Taǵylǵan aiyp:
Sottalýshylar qarjylyq (investitsiialyq) piramidany qurý, oǵan basshylyq etý (QK-niń 217-baby 3-bóligi 2)-tarmaǵy), qylmystyq jolmen tapqan aqshany zańdastyrý (jylystatý) (KQ-niń 218-baby 3-bóligi 3)-tarmaǵy), kýáni jalǵan aiǵaqtar berý maqsatynda paraǵa satyp alý (QK-niń 422-baby 1-bóligi) jáne piramidanyń jumysyna kómektesý boiynsha aiyptaǵylǵan.
Isti qaraý nátijesimen anyqtalǵany:
Sottalýshy Q. 2024-2025 jyldar aralyǵynda asa iri mólsherde qarjyny tarta otyryp qarjylyq piradimidany qurý jáne oǵan basshylyq etý maqsatynda, óziniń jobasyn áleýmettik jelilerde jarnamalap, alǵan aqshany joǵary paiyzben qaitaratynyn aityp, aýdarym jasatý jáne qolma-qol alý jolymen asa iri mólsherde 600 mln. teńgeden asa aqsha qarajattaryn tartqan.
Oǵan qosa qylmystyq jaýapkershilikten jaltarý jáne tergeýdi búrkemelý maqsatynda kýá A.-nyń jalǵan aiǵaq berýi úshin onyń esep shotyna úshinshi tulǵalardyń atynan aqsha aýdarǵan.
Qalǵan toǵyz sottalýshy qarjy piramidasynyń qyzmeti nátijeli júzege asyrý maqsatynda salymshylarǵa banktik rekvizitterdi usynyp jáne banktik chekterdi qabyldap, piramidanyń jumys jasaýyna óz úlesin qosa otyryp, piramida uiymdastyrýshysyna belsendi járdemdesken.
Sottalýshynyń kinási dáleldenedi:
Sottalýshylardyń taǵylǵan aiyp boiynsha kinási is boiynsha jinaqtalǵan qujattarmen dáleldenedi.
Taraptardyń ustanymy:
Prokýror sottalýshylarǵa bas bostandyǵynan aiyrý jazasyn taǵaiyndaýdy, jeti sottalýshyǵa QK-niń 74-babyn qoldanýmen jazasyn keiinge qaldyrýdy surady.
Jábirlenýshiler zańǵa sai sheshim qabyldaýdy surady.
Sottalýshylar kinásin ishinara moiyndap, bas bostandyǵynan aiyrmaityn jaza taǵaiyndaýdy surady.
Jaza bóliginde:
Sot, jaza taǵaiyndaý barysynda jeti sottalýshynyń qylmystyq jaýapkershiligin jeńildetetin mán-jailar retinde jasóspirim balalary bolýyn tanydy, aýyrlatatyn mán-jailar anyqtalmady.
Sot, Q.-ny QK-niń 217-baby 3-bóliginiń 2)-tarmaǵymen, 218-baby 3-bóliginiń 3)-tarmaǵymen, 422-babynyń 1-bóligimen kináli dep tanyp, oǵan múlkin tárkilep, túpkilikti 10 jylǵa bas bostandyǵynan aiyrý jazasyn taǵaiyndady. QK-niń 74-babynyń 1-bóligi negizinde, jazasyn óteýin 1 jyl merzimge keiinge qaldyrdy.
Toǵyz sottalýshy QK-niń 28-baby 5-bóligi, 217-baby 3-bóliginiń 2) tarmaǵymen kináli dep tanylyp, olarǵa 3 jyldan 7 jyl aralyǵynda bas bostandyǵynan aiyrý jazasyn taǵaiyndaldy. Alty sottalǵanǵa QK-niń 74-babynyń 1-bóligi negizinde, jazasyn óteýin 3 jyl merzimge keiinge qaldyrdy. Sonymen qatar, qylmysty kámelet jasyna tolmaǵan kezde jasaǵan sottalýshyǵa QK-niń 63-baby negizinde taǵaiyndalǵan jaza shartty dep belgilenip, oǵan 1 jyl probatsiia baqylaý taǵaiyndaldy.
Sottalýshylarǵa azamattardyń aqshalai qarajatyn jáne investitsiialardy tartýmen bailanysty qyzmetpen ainalysý quqyǵynan aiyrý qosymsha jazasy taǵaiyndaldy.
Talap qoiýlar ishinara qanaǵattandyryldy. Úkim zańdy kúshine enbedi.
