Shymkentte páterden úsh adam óli tabyldy, dep habarlaıdy Dalanews.kz otyrar.kz-ke silteme jasap.
Oqıǵa Shyǵys shaǵynaýdanyndaǵy páterde bolǵan. Olar bir otbasynyń úsh adamy ekeni aıtyldy.
"8 aqpanda saǵat 16:36-da 112 qyzmetine páter turǵyndary qońyraýǵa uzaq ýaqyt boıy jaýap bermegeni jáne esikti ashpaǵany týraly habarlama tústi. Oqıǵa ornyna qutqarý toby jiberildi. Esikti kúshtep ashqan qutqarýshylar páterden úsh adamnyń denesin tapty. Tıisti qyzmetter shaqyryldy", - dedi TJD ókili.
Oqıǵanyń barlyq mán-jaıy anyqtalyp jatyr. Qaıǵyly oqıǵa tabıǵı gazdan ýlanýdan bolýy múmkin.
