Shymkent turǵyny Janna Meldeshova júktiliktiń 37-aptasynda eki qyz, bir uldy dúniege ákeldi. On jyldan beri bala súie almai júrgen shymkenttik kelinshek qalalyq peranitaldyq ortalyqta bosandy.
Jaryq dúnie esigin ashqan eki qyz ben bir ulǵa Aiym, Rahat, Aiala esimderi berilgen. Qalalyq densaýlyq saqtaý basqarmasynyń málimetinshe, kelinshek tuńǵyshyn 2010 jyly týǵan eken.
"Sol ýaqyttan beri densaýlyǵy syr berip, júkti bolýdy uzaq jyldar boiy josparlap júripti. Osylaisha erli-zaiyptylardyń on jyldan beri bala súigisi kelgen armandary oryndalyp, birden úsh perzentti dúniege ákeldi.
Merziminen buryn tolǵaǵy bastalǵan júkti kelinshek pen úsh shaqalaqtyń ómirin aman alyp qalý úshin dárigerler kesar tiligin jasap, operatsiia arqyly sátti bosandyryp aldy. Dúniege eki qyz, bir ul bala keldi. Barlyǵynyń da salmaǵy eki keliden asady", - dedi qalalyq densaýlyq saqtaý basqarmasynyń ókilderi.
Shymkentte jyl basynan beri 19 797 sábi dúnie esigin ashqan. Olardyń 135-i egiz bolsa, tórteýi úshem.
