Shymkentte zańsyz shyǵarylǵan aktiv esebinen balalar oqityn mektep-internat tárbielenýshilerine arnalǵan zamanaýi jataqhana paidalanýǵa berildi, dep habarlaidy Dalanews.kz.
Búgin erekshe bilim berý qajettilikteri bar (meditsinalyq kórsetkishteri boiynsha) balalar oqityn mektep-internat tárbielenýshilerine arnalǵan zamanaýi jataqhana paidalanýǵa berildi.
Bas prokýror Berik Asylovtyń sózinshe, buǵag deiin olardyń jaǵdaiy múldem qolaisyz bolǵan: 1975 jyly salynǵan ǵimarat, oryn tapshylyǵy, infraqurylymnyń tozýy.
Normasy 125 oryn bolǵanymen, onda 290 bala turǵan. Jańa jataqhananyń jalpy aýdany 8288,70 m², 300 orynǵa arnalǵan jáne tolyqtai zamanaýi standarttarǵa sáikes keledi. Jalpy aýmaǵy 3,5 gektar jer ýchaskesinde fýtbol alańy (800 m²), vorkaýt aimaǵy, oiyn alańdary (450 m²) jáne demalys aimaqtary (200 m²) qarastyrylǵan.
Ǵimarattyń ishinde uldar men qyzdarǵa arnalǵan bólek turǵyn bloktar, jabdyqtalǵan meditsinalyq bólim, keń oiyn bólmeleri, sondai-aq tárbielenýshiler úshin qolaily, damytýshy ári qaýipsiz orta qalyptastyrýǵa baǵyttalǵan basqa da fýnktsionaldyq bólmeler bar. Memleket basshysynyń tapsyrmasy boiynsha bul jobaǵa qaitarylǵan qarajattar men qaitarylǵan múlikti satýdan túsken qarajattar jinaqtalǵan Arnaýly memlekettik qordan 2,6 mlrd teńge bólindi.
