شىمكەنتتە زاڭسىز شىعارىلعان اكتيۆ ەسەبىنەن بالالار وقيتىن مەكتەپ-ينتەرنات تاربيەلەنۋشىلەرىنە ارنالعان زاماناۋي جاتاقحانا پايدالانۋعا بەرىلدى، دەپ حابارلايدى Dalanews.kz.
بۇگىن ەرەكشە ءبىلىم بەرۋ قاجەتتىلىكتەرى بار (مەديسينالىق كورسەتكىشتەرى بويىنشا) بالالار وقيتىن مەكتەپ-ينتەرنات تاربيەلەنۋشىلەرىنە ارنالعان زاماناۋي جاتاقحانا پايدالانۋعا بەرىلدى.
باس پروكۋرور بەرىك اسىلوۆتىڭ سوزىنشە، بۇعاگ دەيىن ولاردىڭ جاعدايى مۇلدەم قولايسىز بولعان: 1975 جىلى سالىنعان عيمارات، ورىن تاپشىلىعى، ينفراقۇرىلىمنىڭ توزۋى.
نورماسى 125 ورىن بولعانىمەن، وندا 290 بالا تۇرعان. جاڭا جاتاقحانانىڭ جالپى اۋدانى 8288،70 م²، 300 ورىنعا ارنالعان جانە تولىقتاي زاماناۋي ستاندارتتارعا سايكەس كەلەدى. جالپى اۋماعى 3،5 گەكتار جەر ۋچاسكەسىندە فۋتبول الاڭى (800 م²)، ۆوركاۋت ايماعى، ويىن الاڭدارى (450 م²) جانە دەمالىس ايماقتارى (200 م²) قاراستىرىلعان.
عيماراتتىڭ ىشىندە ۇلدار مەن قىزدارعا ارنالعان بولەك تۇرعىن بلوكتار، جابدىقتالعان مەديسينالىق ءبولىم، كەڭ ويىن بولمەلەرى، سونداي-اق تاربيەلەنۋشىلەر ءۇشىن قولايلى، دامىتۋشى ءارى ءقاۋىپسىز ورتا قالىپتاستىرۋعا باعىتتالعان باسقا دا فۋنكسيونالدىق بولمەلەر بار. مەملەكەت باسشىسىنىڭ تاپسىرماسى بويىنشا بۇل جوباعا قايتارىلعان قاراجاتتار مەن قايتارىلعان مۇلىكتى ساتۋدان تۇسكەن قاراجاتتار جيناقتالعان ارناۋلى مەملەكەتتىك قوردان 2،6 ملرد تەڭگە ءبولىندى.
