Shymkentte memlekettik satyp alý salasynda ondaǵan zańbuzýshylyq anyqtaldy, dep habarlaidy Dalanews.kz.
“Shymkent qalasy boiynsha ishki memlekettik aýdit departamentinde júrgizilgen tekserý barysynda shaǵymdardy qaraý kezinde jekelegen áleýetti jetkizýshilerge artyqshylyq berý, bir kózden kelisimsharttardy negizsiz maquldaý, aýdittik is-sharalar barysynda anyqtalǵan zańbuzýshylyqtarǵa shara qoldanbaý, sondai-aq engizilgen eskertýlerdiń oryndalmaýyna qatysty áreketsizdik faktileri anyqtaldy. Jalpy, qoldanystaǵy zańnama talaptaryn buzýdyń 59 deregi tirkeldi, onyń ishinde memlekettik qyzmettiń bedelin túsiretin quqyqbuzýshylyq belgileri bar 52 derek anyqtaldy”, – delingen jeksenbi kúngi habarlamada.
Málimdemede aitylǵandai, prokýrorlyq qadaǵalaý aktisin qaraý nátijesinde tártiptik jaýapkershilikke alty laýazymdy tulǵa, sonyń ishinde departament basshysynyń orynbasary tartylǵan.
“Bul baǵytta jumystar jalǵasýda”, – dep atap ótti qadaǵalaý organy.
