Shymkent qalasynda lift segizinshi qabattyń qulap ketti. Kabina ishinde jas qyz bolǵan, ol aiaǵynan aýyr jaraqat alǵan, dep habarlaidy Dalanews.kz KTK telearnasyna silteme jasap.
Oqiǵa jańa turǵyn úi keshenderiniń birinde boldy. Kýágerlerdiń aitýynsha, lift segizinshi qabatqa jetken sátte aiaq astynan tómenge qarai qulaǵan. Adamdar qyzdyń aiqaiyn jáne synǵan áinektiń dybysyn estigen. Biraz ýaqyttan keiin kabina qaitadan jetinshi qabatqa kóterilip, sol jerden zardap shekken qyzdy shyǵaryp alyp, meditsina qyzmetkerlerine tapsyrǵan.
«Lift qulaǵan soń abyr-sabyr bastaldy. Barlyǵy kómekke júgirdi. Esikterdi ashyp, qarap kórdik, shammen jaryq túsirdik, tómennen de, joǵarydan da eshteńe kórinbedi. Aqyry jetinshi qabattan taptyq. Lift aldymen qulap, keiin qaita kóterilgendei boldy», - dedi turǵyn úi kesheniniń kúzetshisi Muhtar Áýelbekov.
Bul qysqa ýaqyt ishindegi liftke qatysty ekinshi tótenshe jaǵdai. Buǵan deiin kórshi podezde de júk kótergish qulaǵan. Ol kezde eshkim zardap shekpegen. Atalǵan derek boiynsha politsiia qylmystyq is qozǵady.
«Zardap shekken qyz aýrýhanaǵa jatqyzyldy. Taban súiekteri synǵan. Qazirgi jaǵdaiy ortasha aýyr. Turaqty dárigerlik baqylaýda, barlyq qajetti meditsinalyq kómek kórsetilip jatyr», - dep habarlady Shymkent qalalyq densaýlyq saqtaý basqarmasynyń baspasóz qyzmeti.
