27 shilde kúni Shymkenttiń Eńbekshi aýdanynda órt shyǵyp, 300-den astam turǵyn evakýasıalandy, dep habarlaıdy Dalanews.kz.

"KMG Supple Company" JSHS aýmaǵyndaǵy ashyq alańda ónerkásiptik gaz jáne kesek kúkirt órtendi. Órt 1200 sharshy metrdi sharpydy. Órt kezinde Daewoo Jentra jolaýshylar kóligi de janyp ketken”, – dep málimdedi qalalyq tótenshe jaǵdaı departamenti.

Órt saldarynan 10 adam (1 kúıik, 9 ýlaný) zardap shegip, medısınalyq kómekke júgindi. Nátıjesinde dárigerler teksergennen keıin 2 adam aýrýhanaǵa jatqyzylyp, 8 adam jaǵdaıynyń qalypqa kelýine baılanysty úıine qaıtaryldy.

“Órt 28 shilde 00:36-da oqshaýlandy jáne 05:01-de joıyldy. Órt ornynda Shymkent qalasy TJD jeke quramy men quraldary, apattar medısına ortalyǵy, ónerkásiptik qaýipsizdik komıtetiniń Shymkent qalasy boıynsha departamentiniń, Túrkistan oblysy TJD, Qazseldenqorǵaý, polısıa departamentiniń jáne jergilikti atqarýshy organ kúshteri men quraldary, "QTJ "UK" AQ , Sanıtarlyq-epıdemıologıalyq baqylaý departamenti, medısına qyzmetkerleri jumyldyryldy”, – delingen habarlamada.