Búgingi jarysqa Izrail, Qyrǵyzstan, Resei, Belorýsiia, Ózbekstan, Japoniia, Vetnam jáne Qazaqstan quramasynyń 100-ge jýyq sportshylary eki jas erekshelik boiynsha kópsaiys túrinen saiysqa túsedi.
Sporttyq sharanyń ashylý saltanatyna qatysqan Ońtústik Qazaqstan oblysynyń ákimi J.Túimebaev barsha týrnirge qatysýshy sportshylarǵa qosh keldińizder dei otyryp, jas sportshylarǵa sáttilik tiledi.
Aita keteiik, búgingi tańda, oblystyq kórkem gimnastika sport mektebinde 39 jattyqtyrýshy 289 balaǵa oqý-jattyǵý jumystaryn júrgizýde.
Oblysymyzda osy sport túrinen halyqaralyq dárejedegi sport sheberi, jazǵy Aziia oiyndary men Aziia chempionatynyń qola júldegeri, 2016 jyly Rio-de-Janeiro qalasynda ótken jazǵy Olimpiada oiyndarynyń qatysýshysy, Qazaqstan Respýblikasynyń birneshe dúrkin chempiony Sabina Ashirbaeva, halyqaralyq dárejedegi sport sheberi, jasóspirimder arasynda toptyq jattyǵýdan Aziia chempiony, Qazaqstan Respýblikasynyń birneshe dúrkin chempiony Amina Rýstemova men halyqaralyq dárejedegi sport sheberi, jasóspirimder arasynda úsh dúrkin Aziia chempiony, QR birneshe dúrkin chempiony Alina Adilhanova jáne kóptegen sport sheberleri, halyqaralyq, respýblikalyq jarystardyń jeńimpazdary men júldegerleri bar.
2011-2016 jyldary aralyǵynda jas erekshilikteri boiynsha mektep gimnastshylary Qazaqstan Respýlikasynyń chempiondary, Aziia Oiyndary men Aziia chempionattarynyń júldegerleri jáne Ispaniia, Estoniia, Resei, Ózbekstan, Qyrǵyzstan, Belorýsiia, Týrkiia jáne Qazaqstan elderinde ótken birqatar halyqaralyq jarystardyń jeńimpazdary men júldegerleri atandy.
Osy jyldar aralyǵynda mektep gimnastshylary túrli deńgeidegi jarystarǵa qatysyp, 123 – altyn, 130 – kúmis jáne 167 – qola medaldarǵa qol jetkizgen.
OQO ákiminiń baspasóz qyzmeti
