بٷگٸنگٸ جارىسقا يزرايل, قىرعىزستان, رەسەي, بەلورۋسييا, ٶزبەكستان, جاپونييا, ۆەتنام جەنە قازاقستان قۇراماسىنىڭ 100-گە جۋىق سپورتشىلارى ەكٸ جاس ەرەكشەلٸك بويىنشا كٶپسايىس تٷرٸنەن سايىسقا تٷسەدٸ.
سپورتتىق شارانىڭ اشىلۋ سالتاناتىنا قاتىسقان وڭتٷستٸك قازاقستان وبلىسىنىڭ ەكٸمٸ ج.تٷيمەباەۆ بارشا تۋرنيرگە قاتىسۋشى سپورتشىلارعا قوش كەلدٸڭٸزدەر دەي وتىرىپ, جاس سپورتشىلارعا سەتتٸلٸك تٸلەدٸ.
ايتا كەتەيٸك, بٷگٸنگٸ تاڭدا, وبلىستىق كٶركەم گيمناستيكا سپورت مەكتەبٸندە 39 جاتتىقتىرۋشى 289 بالاعا وقۋ-جاتتىعۋ جۇمىستارىن جٷرگٸزۋدە.
وبلىسىمىزدا وسى سپورت تٷرٸنەن حالىقارالىق دەرەجەدەگٸ سپورت شەبەرٸ, جازعى ازييا ويىندارى مەن ازييا چەمپيوناتىنىڭ قولا جٷلدەگەرٸ, 2016 جىلى ريو-دە-جانەيرو قالاسىندا ٶتكەن جازعى وليمپيادا ويىندارىنىڭ قاتىسۋشىسى, قازاقستان رەسپۋبليكاسىنىڭ بٸرنەشە دٷركٸن چەمپيونى سابينا اشيرباەۆا, حالىقارالىق دەرەجەدەگٸ سپورت شەبەرٸ, جاسٶسپٸرٸمدەر اراسىندا توپتىق جاتتىعۋدان ازييا چەمپيونى, قازاقستان رەسپۋبليكاسىنىڭ بٸرنەشە دٷركٸن چەمپيونى امينا رۋستەموۆا مەن حالىقارالىق دەرەجەدەگٸ سپورت شەبەرٸ, جاسٶسپٸرٸمدەر اراسىندا ٷش دٷركٸن ازييا چەمپيونى, قر بٸرنەشە دٷركٸن چەمپيونى الينا اديلحانوۆا جەنە كٶپتەگەن سپورت شەبەرلەرٸ, حالىقارالىق, رەسپۋبليكالىق جارىستاردىڭ جەڭٸمپازدارى مەن جٷلدەگەرلەرٸ بار.
2011-2016 جىلدارى ارالىعىندا جاس ەرەكشٸلٸكتەرٸ بويىنشا مەكتەپ گيمناستشىلارى قازاقستان رەسپۋليكاسىنىڭ چەمپيوندارى, ازييا ويىندارى مەن ازييا چەمپيوناتتارىنىڭ جٷلدەگەرلەرٸ جەنە يسپانييا, ەستونييا, رەسەي, ٶزبەكستان, قىرعىزستان, بەلورۋسييا, تۋركييا جەنە قازاقستان ەلدەرٸندە ٶتكەن بٸرقاتار حالىقارالىق جارىستاردىڭ جەڭٸمپازدارى مەن جٷلدەگەرلەرٸ اتاندى.
وسى جىلدار ارالىعىندا مەكتەپ گيمناستشىلارى تٷرلٸ دەڭگەيدەگٸ جارىستارعا قاتىسىپ, 123 – التىن, 130 – كٷمٸس جەنە 167 – قولا مەدالدارعا قول جەتكٸزگەن.
وقو ەكٸمٸنٸڭ باسپاسٶز قىزمەتٸ
