«Haıp pen laık qýǵan» júrgizýshi avtokóligin ǵımarattyń 12 qabatyna shyǵaryp, qaýipti drıft jasaǵan. Trúktiń vıdeosy áleýmettik jelide tarady. Buzaqy 10 táýlikke qamaýǵa alyndy, dep habarlaıdy Dalanews.kz.

Shymkentte avtokólikti shamamen 40 metr bıiktikke — munaraly krannyń kómegimen ǵımarattyń tóbesine kótergen. Odan keıin júrgizýshi beton alańynda qaýipti manevrler jasaı bastaǵan.

— Polısıa avtokólikti on eki qabatty ǵımarattyń tóbesine kóterip, ádeıi qaýipti manevrler jasaǵan, zańdy óreskel buzǵan júrgizýshini anyqtap, ustady. Onyń áreketteri adamdardyń ómiri men densaýlyǵyna qaýip tóndirdi jáne kóńil kóterýge múlde qatysy joq, — dep habarlady Shymkent PD.

Tekserý nátıjesinde quqyq buzýshy on táýlikke qamaýǵa alyndy. Avtokólik aıypturaqqa qoıyldy.

— Mundaı áreketter — qaıǵyly jaǵdaıǵa aparatyn týra jol. Kórermen men vırtýaldy «tanymaldyqty» qýý zańdy ádeıi buzýǵa sebep bola almaıdy. Árbir osyndaı fakt qatań ári dereý toqtatylady, — dep atap ótti vedomstvo.