«حايپ پەن لايك قۋعان» جۇرگىزۋشى اۆتوكولىگىن عيماراتتىڭ 12 قاباتىنا شىعارىپ، ءقاۋىپتى دريفت جاساعان. تريۋكتىڭ ۆيدەوسى الەۋمەتتىك جەلىدە تارادى. بۇزاقى 10 تاۋلىككە قاماۋعا الىندى، دەپ حابارلايدى Dalanews.kz.
شىمكەنتتە اۆتوكولىكتى شامامەن 40 مەتر بيىكتىككە — مۇنارالى كراننىڭ كومەگىمەن عيماراتتىڭ توبەسىنە كوتەرگەن. ودان كەيىن جۇرگىزۋشى بەتون الاڭىندا ءقاۋىپتى مانيەۆرلەر جاساي باستاعان.
— پوليسيا اۆتوكولىكتى ون ەكى قاباتتى عيماراتتىڭ توبەسىنە كوتەرىپ، ادەيى ءقاۋىپتى مانيەۆرلەر جاساعان، زاڭدى ورەسكەل بۇزعان جۇرگىزۋشىنى انىقتاپ، ۇستادى. ونىڭ ارەكەتتەرى ادامداردىڭ ءومىرى مەن دەنساۋلىعىنا ءقاۋىپ ءتوندىردى جانە كوڭىل كوتەرۋگە مۇلدە قاتىسى جوق، — دەپ حابارلادى شىمكەنت پد.
تەكسەرۋ ناتيجەسىندە قۇقىق بۇزۋشى ون تاۋلىككە قاماۋعا الىندى. اۆتوكولىك ايىپتۇراققا قويىلدى.
— مۇنداي ارەكەتتەر — قايعىلى جاعدايعا اپاراتىن تۋرا جول. كورەرمەن مەن ۆيرتۋالدى «تانىمالدىقتى» قۋۋ زاڭدى ادەيى بۇزۋعا سەبەپ بولا المايدى. ءاربىر وسىنداي فاكت قاتاڭ ءارى دەرەۋ توقتاتىلادى، — دەپ اتاپ ءوتتى ۆەدومستۆو.
