QMA Shymkent qalasy boiynsha departamenti sýrrogattyq alkogol ónimderin óndiretin jasyryn tseh qyzmetinen alynǵan qylmystyq kiristerdi jasyrý jáne zańdastyrý shemasyn anyqtady, dep habarlaidy Dalanews.kz.
Tergeý barysynda 2022 jyldan bastap erli-zaiypty Qarsenovtar qoldan jasalǵan aktsizdik markalaryn jáne etil spirtin paidalanyp, zańsyz alkogol ónimderin óndirýdi uiymdastyrǵany belgili boldy.
Ónim Shymkent qalasynda ǵana emes, sondai-aq kórshiles Túrkistan jáne Jambyl oblystarynda da satylǵan.
Tintý barysynda 9 myń litrden astam etil spirti, 24 myńnan astam jalǵan aktsiz markalary, ártúrli markaly daiyn alkogol ónimderi jáne 75 mln teńge kóleminde aqshalai qarajat tárkilendi.
«Follow the money» printsipi boiynsha júrgizilgen qarjylyq tergeý nátijesinde jasyryn tsehtyń 309 mln teńgeden astam somadaǵy barlyq qylmystyq kiristeri anyqtaldy.
Qylmystyq jolmen alynǵan qarajatqa kúdiktiler jalpy quny 234 mln tengeni quraityn 13 qymbat kólik («Toyota Land Cruiser 300», «ZEEKR 001», «KIA K8», «Hyundai Grandeur», «VOLVO» jáne t.b.) satyp alǵan, tárkileýden jasyrý maqsatynda olardyń bir bóligin jaqyn týystaryna rásimdelgen.
Sot úkimimen atalǵan tulǵalar zańsyz kásipkerlik (QK 214-babynyń 2-bóligi, 2-tarmaǵy), aktsizdeletin taýarlardyń tańbalaý tártibi men erejelerin buzý (QK 233-babynyń 2-bóligi), qylmystyq jolmen alynǵan aqsha men múlikti zańdastyrý (QK 218-babynyń 3-bóligi, 3-tarmaǵy) boiynsha kináli dep tanyldy.
Sot olarǵa 5 jáne 6 jylǵa bas bostandyǵynan aiyrý jazasyn taǵaiyndady. Memleket kirisine qylmystyq jolmen tapqan qarajatqa satyp alynǵan 13 kólik pen 75 million teńge tárkilendi.
QMA azamattardyń densaýlyǵyna qaýipti sýrrogattyq alkogol ónimderin satýdyń jáne tutynýdyń aitarlyqtai qaýip tóndiretinin eskertedi. Tehnologiialyq protsesterdi buzyp, sertifikattalmaǵan ingredientterdi qoldaný arqyly daiyndalǵan osyndai sýsyndar quramynda ýlanýǵa, aýyr dertke, tipti ólimge soqtyratyn qaýipti zattar bolýy múmkin
