Joba tujyrymdamasy halyqaralyq bastamashyl toppen, joba jetekshisi, ekonomika ǵylymdarynyń doktory, professor Alihan Bijanov pen tehnika ǵylymdarynyń doktory, professor, «Bailanys joldaryn damytý ǵylymi-zertteý institýty» JShS-niń direktory Altaibek Orazbekov, QR sáýletshiler odaǵynyń OQO filialynyń tóraǵasy Asqar Mamyrbaev jáne «Qazaqstan temir joly» Ulttyq kompaniiasy »AQ ókilderimen birlese ázirlendi.
Zamanaýi úlgide boi kóteretin qaladaǵy ekinshi temirjol jelisiniń tehnikalyq qurylysynyń sipatyn Ońtústik Qazaqstan oblysynyń ákimi Janseiit Túimebaevqa «Bailanys joldaryn damytý ǵylymi-zertteý institýty» JShS-niń direktory A.Orazbekov tanystyrdy.
Olardyń aitýynsha, bul joba zertteý qorytyndysy boiynsha Prezidenttiń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýyna sáikes eken. Óitkeni temir jol jelisin salý kezinde kólik salýdyń jáne paidalanýdyń ozyq «tsifrlyq» tehnologiialary engizilse, kólik protsesinde innovatsiialyq tehnologiialar, sonyń ishinde joǵary tehnologiialyq tsifrlyq infraqurylymdy engizý kózdelgen.
Shymkent qalasynyń bas josparyna sai «Batys Eýropa -Batys Qytai» halyqaralyq kólik dáliziniń boiynda salynýy tiis vokzaldyń jobasy aiasynda «Shymkent-2» jańa temirjol vokzaly men júkti suryptaý stantsiiasy jáne úlken avtovokzal salynady dep josparlanýda. Sonymen birge jalpy alańy 16 gektardy quraityn jobada qonaq úi men ákimshilik ǵimarat, 1000 avtokólikke arnalǵan turaq qarastyrylǵan.
Joba jetekshisi Shymkent qalasynyń 2020 jyly bolatyn TMD elderiniń mádeni astanasy jylyna orai, jobany iske asyryp, paidalanýǵa berý múmkindigin aitty.
Óz kezinde oblys ákimi bul jobanyń áleýmettik mańyzy bar ekenin jáne jolaýshylarǵa qyzmet kórsetýdi jaqsartýǵa jáne týristerdi aimaqqa tartýǵa múmkindik beretinin atap ótti. Osyǵan bailanysty ol tiisti vedomstvo basshylaryna jobany júzege asyrý úshin jumys tobyn qurýdy tapsyrdy.
Qazirgi tańda joba respýblikalyq memlekettik-jekeshelik áriptestik jobalaryn josparlaý algoritmine sáikes Qazaqstan Respýblikasynyń ýákiletti memlekettik organdarymen jumys úilestirý satysynda tur.
OQO ákiminiń baspasóz qyzmeti
