Shymkentte bireýdiń kóligin urlap ketken adam politseilerge soqtyǵysty, - dep habarlaidy Dalanews.kz Polisia.kz saityna siltep.
Oqiǵa 9 mamyrda bolǵan. Masań háldegi er adam Túrkistan oblysynda bireýdiń kóligin urlap áketip, jolda apatqa ushyraǵan.
Oqys oqiǵany boldyrmaý úshin patrýldik politsiia inspektorlary Asyl Keńes pen Baǵlan Dúisebai onyń jolyn qyzmettik avtokólikpen jaýyp, saldarynan kólikpen soqtyǵysqan.
"Kórshi oblystaǵy áriptesterimizden urlanǵan kólik týraly baǵdar tústi. Rýldegi adamnyń mas kúide ekenin birden túsindik. Qaýipti júrgizýshini toqtatý jolyn japtyq. Buny jol qozǵalysynyń ózge de qatysýshylarymen qaiǵyly saldardy boldyrmaý úshin jasadyq, azamattardyń amandyǵy úshin", – deidi ofitserler.
Kólikti masań hálde basqarǵany jáne politsiia qyzmetkerleriniń zańdy talabyn oryndamaǵany úshin er adam jaýapqa tartyldy.
Avtokólikti urlaý jaityn Túrkistan oblysynyń tártip saqshylary tergeýde.
