Shymkentte byltyr 31 myń sábi dúnie esigin ashty
Shymkent qalasynda tórt perzenthana bar. Onda ótken jyly 31 455 sábi dúniege keldi. Búginde qaladaǵy eki perzenthanada kúrdeli jóndeý jumystary júrip jatyr. Orynnyń tapshylyǵyna bailanysty №1 aýrýhananyń janynan besinshi perzenthanany ashý kózdelip otyr.
Bul týraly Shymkent qalasynyń ákimi Murat Áitenov onlain formatta halyq aldyndaǵy esep berý kezdesýinde baiandady.
-Byltyr meditsinalyq qural-jabdyqtarǵa 6 mlrd teńge qarjy bólinse, biyl da materialdyq-tehnikalyq bazany nyǵaita túsemiz. Shymkenttiń densaýlyq saqtaý salasyn damytýdyń 2025 jylǵa deiingi jospary daiyndalyp jatyr. Bastapqy meditsinalyq kómekke kóp kóńil bóletin bolamyz. Bul salaǵa jeke investorlar da kelip jatyr. Jeke emhanalardan bólek, biyl bir myń oryndyq zamanaýi aýrýhana qurylysyn bastaý josparlanyp otyr, - dedi qala ákimi.
