شىمكەنتتە بىلتىر 31 مىڭ سەبي دٷنيە ەسٸگٸن اشتى
شىمكەنت قالاسىندا تٶرت پەرزەنتحانا بار. وندا ٶتكەن جىلى 31 455 سەبي دٷنيەگە كەلدٸ. بٷگٸندە قالاداعى ەكٸ پەرزەنتحانادا كٷردەلٸ جٶندەۋ جۇمىستارى جٷرٸپ جاتىر. ورىننىڭ تاپشىلىعىنا بايلانىستى №1 اۋرۋحانانىڭ جانىنان بەسٸنشٸ پەرزەنتحانانى اشۋ كٶزدەلٸپ وتىر.
بۇل تۋرالى شىمكەنت قالاسىنىڭ ەكٸمٸ مۇرات ەيتەنوۆ ونلاين فورماتتا حالىق الدىنداعى ەسەپ بەرۋ كەزدەسۋٸندە باياندادى.
-بىلتىر مەديتسينالىق قۇرال-جابدىقتارعا 6 ملرد تەڭگە قارجى بٶلٸنسە, بيىل دا ماتەريالدىق-تەحنيكالىق بازانى نىعايتا تٷسەمٸز. شىمكەنتتٸڭ دەنساۋلىق ساقتاۋ سالاسىن دامىتۋدىڭ 2025 جىلعا دەيٸنگٸ جوسپارى دايىندالىپ جاتىر. باستاپقى مەديتسينالىق كٶمەككە كٶپ كٶڭٸل بٶلەتٸن بولامىز. بۇل سالاعا جەكە ينۆەستورلار دا كەلٸپ جاتىر. جەكە ەمحانالاردان بٶلەك, بيىل بٸر مىڭ ورىندىق زاماناۋي اۋرۋحانا قۇرىلىسىن باستاۋ جوسپارلانىپ وتىر, - دەدٸ قالا ەكٸمٸ.
