Búgin Shymkenttegi oblystyq orys drama teatrynda «Asqaqtai ber, Astana!» atty saltanatty is-shara ótti. Shara aiasynda elimizdiń táýelsizdigi men tarihyn, jetistikterin nasihattaityn «Jahan tanyǵan jeti tulǵa», «Tulǵa.Táýelsizdik.Tarih» atty «Qazyǵurt» baspasynan jaryq kórgen eki kitaptyń tusaýy kesildi.
Jiynda sóz alǵan oblys ákimi Janseiit Túimebaev eki kitaptyń mazmuny men mánine erekshe toqtalyp, jinalǵandardy Astana kúnimen quttyqtady.
«Búgin tusaýy kesilgen «Jahan tanyǵan jeti tulǵa» - aty aityp turǵandai álemge áigili bolǵan reformatorlar týraly keńinen tolǵanyp jazylǵan dúnie. Árine olardyń ortasynan oiyp turyp oryn alǵan Uly dala perzenti, Ult kóshbasshysy Nursultan Ábishuly Nazarbaevtyń Táýelsiz Qazaq elin qalyptastyrýdaǵy qiyn da, kúrdeli kezeńderden jol taýyp shyqqandyǵy baiandalady. «Tulǵa.Táýelsizdik.Tarih» atty kitaptyń da ózindik ereksheligi bar. «Ordabasyǵa oralý» degen alǵashqy bólimde Elbasynyń qasietti mekenge taban tiregeni týrasynda tolǵanatyn tustar kóp»,-dedi Janseiit Qanseiituly.
Jalpy, «Tulǵa.Táýelsizdik.Tarih» atty kitap úsh bólimnen turady. Atalǵan týyndyda «Ordabasyǵa oralý» degen alǵashqy bólimde Elbasynyń qasietti mekenge taban tiregeni týrasynda tolǵanatyn tustar jan-jaqty qamtylǵan. Kitaptyń ekinshi bóliminde Elbasymyzdyń shetel basshylarymen ońtústikte kezdesýleri sátti sýretterimen áńgimege arqaý bolǵan. Al úshinshi bólimde memleket basshysynyń oblysymyzǵa 1991 jyldan bastalǵan saparlary jan-jaqty baiandalady. Basylymǵa taiaýdaǵy ońtústik óńirine jasaǵan sáýirdegi sapary da engizilip otyr.
"Jahan tanyǵan jeti tulǵa" kitabynyń avtory Abai Eskendirov atalǵan týyndyny 4 jylda jazyp shyqqanyn aitady. 656 betten turatyn týyndyda tarihi tulǵalardyń el basqarý úrdisindegi ǵibratty ǵumyrlary áńgimege arqaý bolǵan. Jer jahanǵa aty málim jeti tulǵanyń óz otandastarynyń da, jatjerlikterdiń de sanasynda serpilis týdyrǵan taǵdyrlary eshkimdi beijai qaldyrmaidy.
"Kitaptyń jalpy mazmuny -jahan tanyǵan jeti tulǵa haqynda. Djordj Vashington, Mahatma Gandi, Ýniston Cherchill, Mustafa Kemal, Sharl de Goll, Li Kýan Iu, Nursultan Nazarbaev syndy uly jeti tulǵanyń eren eńbekteri jan-jaqty qamtylǵan"-, deidi kitap avtory Abai Eskermesuly.
Shara barysynda oblys əkim qos kitaptyń jaryqqa shyǵýyna atsalysqan "Qazyǵurt" baspasynyń direktory, aqyn Temirǵali Kópbaevty, "Təýelsizdik, Tulǵa, Tarih" qurastyrýshysy Asylbek Dosalyny, «Jahan tanyǵan jeti tulǵa» kitabynyń avtory Abai Eskendirovke alǵys hatpen marapattady. Shara sońy teatr foiesindegi «Máńgi jainai ber, Astana!» taqyrybyndaǵy kitap jáne foto kórmesine jalǵasty.
