Shymkentte «7-20-25» baǵdarlamasy boiynsha turǵyn úi qunynyń limiti 25 mln. teńgege deiin ulǵaityldy
Esterińizge sala keteiik, aǵymdaǵy jyldyń 19 shildesinde Shymkent respýblikalyq mańyzy bar qalanyń mártebesine ie boldy. Tiisti Jarlyqqa Memleket basshysy qol qoidy.
«Bul Shymkent turǵyndary úshin jaǵymdy jańalyq. Qalada turǵyn úi qurylysy belsendi túrde damyp keledi. Búginde Shymkentte 700 myń sharshy metr turǵyn úi salynýda. Limittiń ulǵaiýy qala turǵyndaryna turǵyn úi jaǵdaiyn jaqsartýǵa qosymsha múmkindik beredi», – dedi «Baspana» Ipotekalyq uiymynyń basshysy Qairat Altynbekov.
Osylaisha, elimizdiń 5 qalasynda Baǵdarlama aiasynda turǵyn úidi satyp alýdyń eń joǵarǵy somasy 25 mln. teńgeni quraidy. Bular Astana, Almaty, Aqtaý, Atyraý jáne Shymkent. Basqa óńirlerde Baǵdarlama boiynsha turǵyn úidi 15 mln. teńgeden qymbat emes baǵaǵa satyp alýǵa bolady.
«Baspana» Ipotekalyq uiymy Syrtqy bailanystar qyzmeti
