Shymkentte №44 orta mektep direktory jáne onyń orynbasary, bilim mekemesiniń býhgalteri sottaldy, dep habarlaidy Dalanews.kz.
Olarǵa pedagogterdiń eńbegine aqy tóleý qoryna bólingen 48 mln teńge kólemindegi biýdjet qarajatyn jymqyrdy degen aiyp taǵyldy. Úkim Shymkent qalasynyń qylmystyq ister jónindegi mamandandyrylǵan aýdanaralyq sotynda shaǵyraldy.
Sybailas jemqorlyqqa qarsy is-qimyl agenttiginiń Shymkent qalasy boiynsha departamenti málim etkendei, sot úkimimen belgilengen normativten tys jalaqyny zańsyz aýdarǵany, sondai-aq "óli jandarǵa" júieli tólem jasap kelgeni úshin direktor orynbasary men mektep býhgalteri 7 jáne 8 jylǵa bas bostandyǵynan aiyrylǵan.
Al jumysyna salǵyrt qaraǵan mektep direktoryna 6,9 mln teńge aiyppul salyndy.
Úkim zańdy kúshine engen joq.
